لە دوای ئەوەی شەوی ڕابردوو شەپۆلێكی بەهێزی بارانبارین هەرێمی كوردستانی گرتەوە، لەئێستادا لە شاری سلێمانی ئاستەنگی هاتوچۆ دروست بوەو لە گەڕەكە نوێیەكانیش لافاو دروستبوە .

پەیامنێری كوردیو لە شاری سلێمانیەوە پێی ڕاگەیاندین: دوای ئەوەی لە شەوی ڕابردوو بارانبارین لە شاری سلێمانی دەستیپێكرد، ئەمڕۆ دووشەممە لەبەشێك لە شەقامەكان ئاوێكی زۆر كۆبوەتەوەو بەو هۆیەوە ئاستەنگی هاتوچۆ دروست بووە.

وتیشی: هەروەها بەهۆی نەبونی خزمەتگوزاریە سەرەتاییەكان مەترسی لافاو لە گەڕەكە نوێكانی سلێمانی زۆرە چونكە لە خزمەتگوزاری ئاوەڕۆ بێبەشن و بەم هۆیەشەوە ئاوێكی زۆری باراناو لەكۆڵانەكاندا كۆدەبێتەوە و زیان بەدانیشتوانی ئەوگەڕەكانە دەگەیەنێت.