ئیسرائیلی داگیركەر بۆ ڕێگریکردن لە ھێرشەکەی شەوی ڕابردووی ئێران، بڕی یەک ملیار و 350 ملیۆن دۆلاری خەرج کردووە.

ڕاوێژکاری پێشووی دارایی سەرۆک ئەرکانی ئیسرائیل، عەمید ڕام ئەمیناح ڕایگەیاند، کە تێچووی ئیسرائیلی داگیركەر بۆ ڕێگریکردن لە ھێرشەکەی شەوی ڕابردووی ئێران، پێنج ملیار شێکێڵ واتە (یەک ملیار و 350 ملیۆن دۆلار)، بووە.

پێشتر وتەبێژی سوپای ئیسرائیلی داگیركەر، دانیێڵ ھاگاری ڕایگەیاندبوو کە شەوی ڕابردوو، 350 مووشەک و فڕۆکەی بێفڕۆکەوان لە ئێرانەوە ئاراستەی ئیسرائیل کراون.