کلتورێ سوتن وتالانکرنێ
ردوان گولی/سوید
ئه‌وێ لگه‌ل مه بیت ئه‌و قدیسه، ویێ نه لگه‌ل مه بیت ئه‌و ئیبلیسه،کلتورێ پێکڤه ژیانا سیاسی وفه‌ره‌لایه‌نی ل کوردستانێ گه‌له‌ک جاران ئه‌وها لاواز بوویه مروڤ وه‌سا هزر دکه‌ت جاره‌کا دی سیسته‌مێ تاک ره‌وی ودکتاتوریه‌ت و حزب الواحد دێ زڤریته‌ڤه،راسته تو خودان ده‌ستهه‌لاتی به‌لێ دڤێت تو باش بزانی ئه‌ز وه‌کی ته هزر ناکه‌م وژته جیاوازم، دبیت تو بێژی زه‌ره یان که‌سکه ئه‌ز بێژم سپی یه یان قه‌هوائی یه، ته دڤێت مالا من وێران بکه‌ی وبشه‌وتینی وشاهیێ لبه‌ر ده‌رگه‌هێ من بکه‌ی وپاشی بێژی دڤێت تو داخازا لێبورینێ ژ من بکه‌ی؟! نزانم ئه‌ڤه چ جورێ پێکڤه‌ژیانا سیاسی یه ده‌ولکێ ته یێ پانزینێ پر بیت وجه‌قماقا ته یا ل پل بیت،زور رویدانێت دلته‌زین ونه‌خوش هاتینه ئه‌نجامدان پشتی سه‌رهلدانا پیروزا گه‌لێ مه ل بهارا سالا 1991 دژی رژێما به‌عسا ژ ناڤجوی وسه‌دامێ گوربه‌گور، ژ وان رویدانا لسالا 1993 باره‌گایێ پارتا سوسیالیست ل هه‌ڤلێرا پایته‌خت هاته سوتاندن وتالانکرن، لسالا 1993 باره‌گایێ به‌رێ تورکومانی ل هه‌ڤلێرا پایته‌خت هاته سوتاندن،لسالا 1995 باره‌گایێ رابیتا ئیسلامی ل هه‌ڤلێرا پایته‌خت هاته سوتاندن وتالانکرن،لسالا 1996 هه‌می باره‌گایێن پارتا پارێزگه‌رێن کوردستانێ ل هه‌ڤلێرێ وده‌ڤه‌رێن نێزیک هاتنه تالانکرن وزێده‌باری تیرورکرنا سه‌روکێ ڤێ پارتێ حوسێن ئاغایێ سورجی، لسالا 1997 پاره‌گایێ پارتا کارکه‌رێن کوردستانێ ل هه‌ڤلێرا پایته‌خت هاته سوتاندن وتالانکرن وژماره‌کا زور ژ ئه‌ندامێن وان هاتنه گرتن وهه‌تا نوکه ژی که‌س نزانیت جاره‌نڤیسێ وان به‌ره‌ڤ کیڤه چوو، هنده‌ک دبێتژن ب کومی هاتینه کوشتن ول جهێ نوکه فروکخانا هه‌ڤلێرێ هاتینه ڤه‌شارتن، لسالا 2006 باره‌گایێن یه‌کگرتووی ئیسلامی ل ده‌ڤه‌را بادینان هاتنه سوتن وجار ئه‌ندام ژێ هاتنه شه‌هیدکرن، لسالا 2011 باره‌گایێن ته‌ڤگه‌را گوران ل هه‌ڤلێرێ ودهوکێ وشه‌قلاوا هاتن سوتن وتالانکرن، لسالا لسالا 2011 باره‌گایێن یه‌کگرتووی ئیسلامی کوردستان ل زاخو ، دهوک ، سێمێل ، قه‌سروک بو جارا دووێ هاتنه سوتن وتالانکرن، کورسیک هنده‌ک جاران پارتێن ده‌ستهه‌لاتدار وبه‌رپرسان سه‌رخوش ومه‌نده‌هوش دکه‌تن به‌س خوه ب راست ودروست دزانن، خیانه‌تێ بکه‌ن لده‌ڤ وان خه‌باته وهه‌رفاندنێ بکه‌ن لده‌ڤ وان ئاڤاکرنه ئه‌ڤجا ئاڤاکرنا که‌سایه‌تیا تاکێ کورد بیت یان ئاڤاکرنا گوند وباژێران بیت ،پشتی سەرهلدانێ چەندین کەسایەتی لدەڤەرا بادینان هاتن تیرورکرن مینا (نەزیر عومەر رەوتێ کومونیست،یوسف توما شاپو ژ رەوتێ ئاشوریا،رێناس ژ رەوتێ زەحمەتکێشان،ئەبو نەسیر ژ حزبا شیوعی وعەلی شەعبان ئامێدی ورەئوف ئاکرەی ورژنامەڤان ویداد حسین وو)وهەتا ئەڤروکە ژی چەندین ماموستا وچالاکڤان مینا(بەدەل بەرواری،مەلا سڤان،ئومێد بەروشکی،شێروان شێروانی،وئەیاز کەرەم وووو)دگرتینە وچارەنڤیسێ وان دیار نینە وەکی پاپورێن ل سێگوشێ بەرمودا بەرزە دبن .....
