كورديو-دهوك 

نەخشەبەرەكێ بەری سێ هزار سالان ل پارێزگەها دهۆك هاتە دیتن و رێڤەبەرییا شوینوارێن دهۆكێ ژی دبێژیت: دیرۆكا وی نەخشەبەری بۆ هزارا ئێكێ یا بەری زایینێ دزڤڕیت.

حەسەن ئەحمەد رێڤەبەرێ شوینوارێن پارێزگەها دهۆكێ دبێژیت: ئەو نەخشەبەر ل نێزیك گوندێ گەرماڤا هاتییە دیتن كو دیرۆكا وی بۆ هزارا ئێكێ یا بەری زایینێ دزڤڕیت و ئەڤە ئێكەمین جارە شوینوارەكێ وەسا دهێتە دیتن.

ناڤبری گۆت ژی: وەسا دیارە ژی دبیت ئەڤە نەخشەبەرە  وێنەیێ شاهەكی یان دیندارەكێ زەردەشتی بیت و بلندییا وی نەخشەبەری مێترەك و 9 سانتیمەترە و پانییا وی ژی 54 سانتیمەترە و هەتا نۆكە شوینوارەكێ هۆسا ل جیهانێ نەهاتییە دیتن.

رێڤەبەرێ شوینوارێن دهۆكێ گۆت ژی: بۆ ڤەكۆلینێن زێدەتر ل سەر وی نەخشەبەری، رێڤەبەرییا شوینواران د پەیوەندیێ دایە دگەل هژمارەكا زانكۆیێن جیهانی.