کوردیو

رێڤەبەرێ ئاڤەدانكرنا دهۆكێ ڕاگەهاند، ل سنورێ پارێزگەهێ یەكەییێن نیشتەیجێبونێ بۆ وەلاتیێن كێمدەرامەت دێ هێنە دروستكرن و بەشەك ژوان د قوناغێن داویێ دانە.

 

ئیسماعیل میرخان، رێڤەبەرێ ئاڤەدانكرنا پارێزگەها دهۆكێ ڕاگەهاندیە" ل سنورێ پارێزگەها دهوكێ دوو هەزار و 440 یەكەیێن نیشتەجێبونی، كۆ پێكهاتنە ل ژمارەیەكا شوقەیان، دێ هێنە دروستكرن و پشتی تەمامبوونێ دێ بسەر كێمدەرامەتان و هەژارێن وی سنوری هێنە پارڤەكرن.

 

بەحسا وێیەكێ ژی كریە، "ئەو شوقە دێ بۆ خەلكێ كێمدەرامەت هێنەدروستكرن، و ل گۆرەی مەرجێن حكومەتێ دێ هێنە پارڤەكرن"، دبێژیت ژی، "بەشەك د قوناغێن داوییێدانە ب تایبەتی ئەوێن دكەڤنە سنورێ قەزا زاخو، ئەوێن دی ژی د قوناغێن جوداجودا دانە و پتریا وان دكەڤنە سنورێ ناحیا فەیدیێ چونكە ئەو ناوچە نیزیكی سەنتەرێ باژارێ دهوكێ یە".

 

زەلالژیكر، "ئەو یەكەیێن نیشتەجێبوونێ كۆ ل سنورێ پارێزگەها دهوكێ دهێنە دروستكرن بسەر هەمو قەزایاندا هاتینە پارڤەكرن، و هەر ناوچەیەكژی لگۆرەی ژمارا كێمدەرامەتان و ژمارا نیشتەجێیانە". 

 

ئەڤە د دەمەكێ دایە، ل سالا 2014 دگەل هاتنا داعش ل هەرێما كوردستانێ و عێراقێ بگشتی قەیرانان دەستپێكر و هەیا نها قەیران بەردەوامن و رەوشا هەژاران هەژارتر دبە، سەرەرای وێ یەكێ د چەند كابینەیێن بوری یێن حكومەتێ دا پرۆژێ ب هەمان رەنگ هەبون لێ نەهاتبوونە جیبجیكرن.