لە ڕێگەی ڕێكخراوی بەختەوەریەوە خێرخوازێك هەڵدەستێ بە دابینكردنی كرێی خانووی 80 خێزانی بێ باوكی كرێنشین.

حاجی كاروان بەرپرسی رێكخراوی بەختەوەری لە پێگەی تایبەتی خۆی لە تۆڕی كۆمەڵایەتی فەیسبوك ڕایگەیاند: لە ڕێگەی خێرخوازێكەوە توانیویانە كرێی خانووی 80 خانەوادەی بێ باوكی كرێنشین دابین بكەن، ئەم خێرخوازە بۆ ماوەی 6 مانگ هەڵدەستێ بە پێدانی پارەی كرێی خانوو بەو 80 خێزانە بێ باوكە.

دابینكردنی كرێی خانوو بۆ ئەم خانەوادانە لەكاتێكدایە چەندان خێزانی دیكەی بێ باوك هەن كەفالەت نەكراون و هیچ بڕە هاوكاریەكی مانگانەیان بۆ نایەت، بۆیە زیاترچاوەورێی دەستی هاوكاری خێرخوازانن.