محمد ئامێدی

وەکی یا دیار ئەم لسەر دەمێ فایروسێ کورونایێ دا دژین و تا رادەیەکێ مەزن ئەڤی فایروسی جیهان هەمی ژ کار راوستاندیە و ئێخستیە قەیرانێن مەزن دا ... و ئەڤ فایروسە بوویە ئەگەرێ گرتنا دەرگەهێن قوتابخانەیان و زانکۆیان و جهەتێن دی ب گشتی .

تارادەیەکێ ژیان یا بەرەڤ ژیانەکا ئاسایی ڤە دچیت و پشتی ماوەیەکێ درێژ ژ گرتنا دەرگەهێن قوتابخانا و زانکۆیان جارەکا دی دەرگەهێن قوتابخانەیان و زانکۆیان هاتینە ڤەکرن و بوو ماوەیەکە خاندن لێ دهێنلتە خواندن ، بەلێ دڤان دوماهیان دا پشتی دەنگۆباسێن هاتنا فایروسێ نوی هاتی جارەکا دی بریارا گرتنا دەرگەهێن قوتابخانا هاتینە دان ، دراستی دا هیچ شێوەیەکێ نە دگەل گرتنا دەرگەهێن قوتابخانا مە ... بەلکۆ گەلەك رێکارێن دی هەنە کۆ جهەتێن پەیوەندیدار دشێن بگرنە بەر و لسەر قوتابی سەپینن وەکی کرنا کەمامان و رێکارێن دیێن ساخلەمی کۆ ( بشێوەکێ توند لسەر قوتابی سەپینن ) ...

ئەگەر ئەم پرسیار بکەین ئەرێ ئەو زارۆکێ ل قوناغێن دەستپێکی دخوینیت دێ چ مفا ژوێ خاندنێ بینیت یا بڤی شێوەی دهێتە خواندن !؟ ئەرێ ئەڤ زارۆکە د چ پێزانین وەرگریت بۆ پاشەروژێ !؟ ئەرێ ئەگەر جهێن ئەکادمی نەشێن قوتابی تایبەت ( زارۆکی ) فێربکەن کا دێ جاوا رێکارێن ساخلەمی بجهــ ئینیت و دگەل رێکێن خۆ پاراستنێ ئەرێ پا دێ کی شێت ڤی زارۆکی فێرکەت !!؟ لەورا دبینم گرتنا قوتابخانەیا بریارەکا نە تەندروستە وەکی مە ئاماژە پێکری تایبەت بوو قوتابیێن قوناغا سەرەتائی .

وەکی ئەم دبینین تەمبەلیەکا ئێکجار مەزن ل دەڤ قوتابی پەیدابوویە پێتر حەزدکەت قوتابخانە بهێنە گرتن هەتا کۆ ژ گەلەك خێزانان ژی هەر هەمان حەز هەیە .

بەلێ د پاشەرۆژێ دا دێ ئەم و زارۆکێن مە بهایێ ڤێ خەلەتیێ دێ دەین و دێ زیانەکا مەزن ژێ پەیدا بیت چونکی ئەو قوتابیێ نوکە دخوینیت پاشەروژا مللەتی نە . و بڤی شێوەی بیت خاندن دێ کارتێکرنەکا مەزن ل ئاست و دەروونێ قوتابیان کەت