سەنتەرێ رێگریکرن و کۆنتڕۆلکرنا نەخۆشییان ل ئەمریکا راگەهاند، ئەو ولاتیێن ئەمریکی یێن ڤاکسین ب تەمامی وەرگرتی، مەترسیا تووشبوونێ ب کۆرۆنایێ ل سەر نەمایە و دشێن دوبارە دەست ب گەشتکرنێ بکەن.

 

ئەمریکا پترین ڤاکسین ل جیهانێ دا بەلافکریە، و ل هەفتەیا بووری ل وی وەلاتی ڤاکسین دناڤ گەنجان دا ژی دەستیپێکری یە و ئێکەم ویلایەت ژی ل ئۆهایۆ دەست هەوا گەنجان کربوو.

 

دوهی رۆژا ئەینی وی سەنتەرێ ئەمریکی یێ حکومی رێنمایێن خوە یێن ساخلەمیێ نووکرن وراگەهاند، ئەوێن ڤاکسینێ پێدڤی وەرگرتین دشێن دوبارە بێ ئەنجامدانا پشکنینێ و مان ل ناڤخوە یا ئەمریکادا گەشتێ بکەن.

 

دگەل ڤێ چەندێ، دکتۆر رۆچێڵ والنزکی، رێڤەبەرێ سەنتەری پشتگیری ل خەلکێ وەلاتی کر کو خوە ب پارێزن. ل دووڤ CDC، زێدەتر 100 ملیۆن کەسان ل ئەمریکا کو دبنە نێزیکی 30%ی دانیشتڤانێن وی وەلاتی، ب کێمی قورچا ئێکێ یا ڤاکسینا کۆرۆنایێ وەرگرتینە.