باندەکێ دزیکرنێ ل پارێزگەها دهۆکێ هاتە دەستەسەرکرن
پۆلیسێن دهۆکێ شیان باندەکێ دزیکرنێ ل پارێزگەهێ دەستەسەربکەن کو ژ سێ ژنان پێکدهاتن.
هێمن سلێمان پەیڤدارێ پۆلیسێن پارێزگەها دهۆکێ ل کۆنفرانسەکی ڕۆژنامەڤانی دا ڕاگەهاند، پشتی کو ژلایێ چەند کەسەکان ڤە سکالا هاتیە تۆمارکرن بوێ چەندی کو دزی دناڤا بازاڕێن دهۆکێ و زاخۆ دا ژوانا هاتینە کرن پۆلیسێن نەهێلانا گونەهباریان یێن نڤیسینگەها دهۆکێ دەست ب ڤەکۆلین و دیفچوونان کرن و شیان ئەوی باندی دەستەسەر بکەن کو پێک دهێن ژ سێ ژنان.
ناڤبری گۆت ژی، ئەو ژنە خەلکێ دەوروبەرێن پارێزگەها کەرکووکێ نە و بەری هەیڤا ڕەمەزانێ ب چەند ڕۆژەکان ئەو سکالایە لسەر وانا هاتبوونە تۆمارکرن و د نووکە دا ئەو باندە هاتیە دەستەسەرکرن و دان ب تاوانا خۆ کرینە.
هێمن سلێمان گۆت ژی ڤەکۆلین د قۆناغێن دەستپێکێ دایە و هێشتا دیار نینە ئایە ئەڤ سێ کەسە بتەنێ نە یانژی باندێ وانا بەرفەرەهترە و ئاماژە بهندێ ژی کر، کو وانا کوژمەکێ زێدە یێ پارەیی ژ چانتێن ژنکان دزینە دناڤا بازاڕی دا.
