بڕیارە ئەڤرۆ سەرۆکێ حکومەتا هەرێمێ سەرەدانا پارێزگەها دهۆکێ بکەتن و بەرێ بنیاتێ کارگەهەکا جوتیار بۆ فینگەرا پتاتان ب کۆژمێ ١٠ ملیۆن دۆلاران ل سنورێ وێ پارێزگەهێ دانیت.
لگۆرەی ڕاگەهاندنا نڤیسینگەها رۆژنامەڤانیا سەرۆکێ حکومەتێ، بڕیارە ئەڤرۆ پێنجشەمی مەسرور بارزانی سەرۆکێ حکومەتا هەرێما کوردستانێ سەرەدانا پارێزگەها دهۆکێ بکەتن.
ئاشکرا ژی کریە، مەرەم ژ سەرەدانا سەرۆکێ حکومەتێ دانانا بەرێ بنیاتیە بۆ پرۆژەیێ کارگەها جوتیاری بۆ بەرهەمئینانا فینگەرا پتاتێ ل ناحیا روڤیا.
ئاماژە ب وێیەکێ ژی کریە، پرۆژە دێ ژ ئالیێ کۆمپانیا( ( K . H کوردستان - هۆڵەندا) ب پشتەڤانیا حکومەتا هەرێما کوردستانێ بکۆژمێ نێزیکی ١٠ ملیۆن دۆلاران دی هێتە جێبەجێکرن.
ئەڤە د دەمەکی دایە، لسنورێ قەزا بەردەڕەش ل پارێزگەها دهۆکێ سالانە ب سەدان تەنێن بەرهەمێ پتاتان دهێنە بەرهەم ئینان و جوتیارێن دەڤەرێ ژی بەردەوام گازندەیا وێیەکێ دکەن کو چ کارگەهێن ب ڤی ئاوی ل وێ دەڤەرێ نەبووینە کو بەرهەمێ وان وەربگریت.