ڕێڤەبەرییا كەشناسی و بیڤەلەرزان ل پارێزگەها دهوك ڕاگەهاند، ژئەنجامێ وێ پێلا بەفرێ‌ یا لشەڤا دەربازبوویی دەڤەر ڤەگرتی، زۆرترین ڕێژەیا بەفرێ‌ ل دينارته‌ بارییە كو گەهشتییە (40) سەنتیمەتران.
ل گورەی خشتەكی كو ژلایێ رێڤەبەریا سەقاناسی و بیڤەلەرزانڤە هاتییە بەڵاڤكرن، ل سەنتەرێ‌ پارێزگەها دهوك، 6,5 سەنتیمەترێن بەفرێ‌ بارینە، و دينارته‌ 40 سم به‌فر باريه‌ و ل ئامێدیێ، 39سم، شێخان 6سم، ئاكرێ 27 سم، زاخۆ 4 سم و ل بەردەڕەش ئێك سەنتیمەتر بەفر بارییە.
سەرەڕای كو هێشتا كاریگەریا وێ پێلا بەفرێ‌ یا بەردەوامە و دهێتە پێشبینیكرن ڕێژەیا بەفربارینێ ل هەموو دەڤەرێن هەرێما كوردستانێ زێدە ببیت، بەلێ‌ ڕِێڤەبەرییا گشتییا سەقاناسییا هەرێمێ‌ ڕاگەهاند، ل ئێڤارییا ئەڤرۆ ڕۆژا پێنجشەمبی ئەو پێلە بدووماهی بهێت.