شەوی رابردوو لە هەولێر پارێزەرێك لەلایەن چەند كەسێكەوە رفێندرا و پاش ئەشكەنجەدان و سەرتاشینی لە نزیك ماڵەكەی خۆی فڕیی ددەن.

پەیامنێری كوردیو لە هەولێرەوە پێی ڕاگەیاندین: پارێزەرەكە كەیسی ژن و مێردێكی لە دادگا وەرگرتووە و كاری یاسایی لەسەر كردووە، بەڵام شەوی رابردوو لەلایەن كەسوكاری هاوسەری ژنەكەوە بە "فێل" لە ماڵ بردوویانەتە دەرەوە و بردوویانەتە ماڵێكی دیكەو لەوێ ئەشكەنجەیەكی زۆری دەدەن.

وتیشی: پاش ئەشكەنجەدان و سەرتاشینی لە نزیك ماڵەكەی خۆی فڕیی ددەن و لە ئێستادا پارێزەكە سكاڵایی تۆمار كردووە.