کوردیو

د 24 دەمژمێرێن بووری دا ل پارێزگه‌ها دهۆكێ چ کەسان ب کۆرۆنایێ ژیانا خۆ ژ دەست نەدایە، 117 کەسێن دی ژى تووشی کۆرۆنایێ بوون.

وەزارەتا ساخلەمیا هه‌رێما كوردستانێ، ئامارا 24 دەمژمێرێن بووری یا ڤایرۆسێ کۆرۆنایێ بەلاڤ کر و ل گۆرەی ئامارا وەزارەتێ، د 24 دەمژمێرێن بووری دا 117 کەس ل پارێزگه‌ها دهۆکێ تووشی کۆرۆنایێ بووینە و چ تووشبوویان ژیانا خۆ ژ دەست نەدایە.

وەزارەتا ساخلەمیێ دیار ژی کر کو د 24 دەمژمێرێن بووری دا 357 نەخۆش ل پارێزگه‌ها دهۆکێ ب تەمامی چارەسەر بووینە.

تا نوکە ل سنۆرێ پارێزگەها دهۆکێ 34 هزار و 909 کەس تووشى کۆرۆنایێ بووینە و 26 هزار و 572 کەس ژى ب تەمامى چارەسەربووینە و 695 کەسان ژى ژیانا خۆ ژ دەست دایە.