کوردیو

بەرپرسەکێ ئێزدی ، پارتی دیموکراتی کوردستان توھمەتبار دکەت ب وێ چەندێ کو ڕێ نادەتە ئاوارێن ئێزدیێن ل ھەرێما کوردستانێ خۆجھبووین بڤەگەڕنە سەر مال و حالێن خۆ ل قەزا شنگال .
فەھەد حامد قائیمقامێ شنگالێ د داخۆیانیەکێ دا دبێژیت : پارتی دیموکراتی کوردستان ژ پێخەمەت بکارئینانا دەنگێ بھزاران ئاوارێن ئێزدی ل ناڤ کەمپێن ھەرێما کوردستانێ بۆ بەڕژەوەندیا خۆ د ھەلبژارتنێن داھاتی دا ، ڕێ نادەتە وان ئاواران بڤەگەرنە دەڤەرێن خۆ ، بۆ وێ مەبەستێ ژی دەنگویێ نە ئارامیا ڕەوشا ئەمنیا وێ دەڤەرێ بەلاڤ دکەت.
قائیمقامێ شنگالێ خۆیا ژی کر کو ژ لایێ ئاسایشا پارتی ڤە ڕێگری ل سەدان خێزانێن ئێزدی یێن خۆجھـ ل کەمپێن ھەولێر و دھوکێ ھاتیە کرن کو بڤەگەرنە دەڤەرێن خۆ.

فەھەد حامدی گووت ژی : پارتی باش دزانیت دەنگێ خەلکێ شنگالێ ل گەل نینە ، لەوڕا ژ پێخەمەت ب دەستڤەئینانا کورسیا ئێزدیان ، دخوازیت مفای ژ دەنگێ ئاوارێن ئێزدیێن ناڤ کەمپێن ھەولێر و دھوکێ وەربگریت.