کوردیو

ل كۆمەڵگەها ئیبراهیم خەلیل دماوێ ساڵەكێدا نێزیكی 50 تەنێن كەلوپەل و كەرستێن ئێكسپایر و نە گونجای هاتینە ژناڤبرن، یان بۆ ژێدەرێن سەرەكی هاتینە ڤەگەڕاندن.

د ڕاگەهاندنەكێدا پشكا پەیوەندی و ڕاگەهاندنێ ل كۆمەڵگەها دەروازێ كۆمەڵگەها ئیبراهیم خەلیل یا نێڤدەولەتی ئاشكراكر، دساڵا 2020 دا 48 هزار و 631 تەنێن كەلوپەل و كەرستێن جورا و جور كو ژلایێ‌ تاقیگەهـ و لیژنێن پەیوەندیدارێن سەر بكۆمەڵگەها ئیبراهیم خەلیل ڤە نەهاتینە پەسەندكرن، هاتینە ژناڤبرن، یان بۆ ژێدەرێن سەرەكی هاتینە ڤەگەڕاندن، ژبەركو ئەو كەرستە دگونجای نەبوون دگەل پیڤەر و ڕێنمایێن حكومەتا هەرێمێ‌ دانایین.

ل گورەی ڕاگەهاندنا كۆمەڵگەها ئیبراهیم خەلیل، ئەو كەل و پەل و كەرستە بگشتی دپێكهاتی بوون ژ پێدڤیێن ساخلەمیی و خوارن و ڤەخوارن، كوزماتیك، ڤیتەرنەری، چاندن و بیناسازی.