لە یارییەکانی هەفتەی 22ی خولی ئینگلتەرا نۆتینگهام فۆرێست میوانداری ئارسناڵی کرد.

لە تایمی یەکەم کوڕانی ئارتێتا بە تەواوی کۆنترۆڵی یارییەکەیان کرد چەندین هێرشیان برد بۆ سەر گۆڵی یانەی خاوەن یاریگا بەڵام تەواوی هەوڵەکانیان بێ سوود بوو تایمی یەکەم بە یەکسانی کۆتایی پێهات.

لە تایمی دووەم ئارسناڵ لە خولەکی 65 گۆڵی یەکەمی تۆمار کرد، چەند خولەکێک دواتر و لە خولەکی 72 ساکا ئەنجامەکەی بۆ یانە لەندەنیەکە کرد بە دوو هێندە، هەرچەندە لە خولەکی 89 ئاوۆنی گۆڵێکی بۆ نۆتینگهام تۆمارکرد بەڵام نەیتوانی گۆڵی یەکسان بکەن و سەرەنجام یارییەکە بە دوو گۆڵ بەرامبەر گۆڵێک لە بەرژەوەندی ئارسناڵ کۆتایی پێهات.

بەم بردنەوەیەش ئارسناڵ خاڵەکانی بوو بە 46 خاڵ لە پلەی دووەم دێت، نۆتینگهامیش 20 خاڵی هەیە و لە پلەی 16یەم دایە.