بەڕێوەبەری خۆراكی سلێمانی ڕایدەگەیەنێت: بەهۆی ئەوەی بەشێكی زۆر لە بریكارەكانی خۆراك خاوەنی كارتی بانكی نین، بەشەخۆراكیان پێنادرێت و بەمەش دابەشكردنی سەبەتەی خۆراكی بەسەر هاوڵاتییاندا دواكەوتووە.

كامەران فەتاح، بەڕێوەبەری خۆراكی سلێمانی بڵاویكردەوە: هۆكاری دواكەوتنی دابەشكردنی بەشەخۆراكی مانگانەی هاوڵاتییان بۆ ئەوە دەگەڕێتەوە كە مانگەكانی پێشوو بریكارەكان ئەو پارەیەی لە هاوڵاتییانیان دەسەند بە كاش دەیانداینەوە، بەڵام ئێستا سیستمەكە گۆڕاوە و دەبێت ئەو كارە لەڕێی حسابی بانكییەوە ئەنجام بدرێت.

وتیشی: لە مانگی داهاتووەوە تەواوی بریكارەكان هەژماری بانكییان بۆ دەكرێتەوە تا جارێكی دیكە دابەشكردنی بەشەخۆراكی مانگانە دوانەكەوێت، جەختیشی كردەوە كە بریكارەكانی خۆراك خۆیان لە درووستكردنی هەژمارەكانیان كەمتەرخەمن بۆیە كێشەی دواكەوتن روویداوە.