هەڵبژاردەی تۆپی پێی ئەڵمانیا دەیەوێت بیسەلمێنێت كە ئەو سەركەوتنەی بە دوو گۆڵی خاوێن بەسەر هەڵبژاردەی فەرەنسادا بەدەستیهێنا، بە بەخت نەبوو، بەڵكو گەڕانەوەی ڕاستەقینە بوو بۆ گەورەیی خۆی، كاتێك لە یارییەكی دۆستانەدا ڕووبەڕووی هۆڵەندا.

پێدەچێت جولیان ناگلسمان ڕاهێنەری هەڵبژاردەی ئەڵمانیا هەموو شتێكی بە دروستی كردبێت دوای ئەوەی گۆڕانكارییەكی هەمەلایەنەی یاریزانەكانی كرد و ڕۆڵی ڕوونی بە یاریزانەكانی بەخشی، وەك چۆن هەڵبژاردەی ئەڵمانیا لە شاری لیۆن نمایشێكی باشی پێشكەش كرد.

گۆڵە ڕیكۆردەكە لەسەر ئاستی هەڵبژاردەی نیشتمانی كە فلۆریەن فریتز دوای تەنها حەوت چركە تۆماریكرد، یارمەتیدەر بوو بۆ كەمكردنەوەی هەر ترسێك، دوای ئەوەی بەرگەی فشارێكی بەردەوامی هەڵبژاردەی فەرەنسی بە سەرۆكایەتی كیلیان مباپێ كە پاڵێوراوە بۆ نازناوەكە بگرێت.

ئەم سەركەوتنە لە كاتی گونجاودا هات، لە یەكەم یاری ساڵی نوێدا، بەڵام دەبێت جەختی لەسەر بكرێتەوە بەرامبەر هۆڵەندا لە فرانكفۆرت، بۆ ئەوەی ساڵانی سەختی ڕابردوو لەبیربكرێت كە شایەتحاڵی دەرچوونیان بوو لە دوو جامی جیهانی لە قۆناغی كۆمەڵەكاندا و لە ساڵی ٢٠٢٣دا لە ١١ یاریدا تەنها ٣ سەركەوتنی بەدەستهێناوە.

چاپی ئۆنلاین ڕۆژنامەی سودۆش زایتونگ ڕۆژی یەكشەممە ڕایگەیاند: “سەركەوتن بۆ جولیان ناگلسمان”.

ئاماژەی بەوەشكردووە، پێناچێت تیپی ئەڵمانیا تیپێك بێت كە لەم دواییانەدا بەدەست شكستی بەردەوامەوە دەناڵێنێت، بەڵكو لەبری ئەوە نیشانیدا كە خاوەنی لێهاتوویییەكی زۆرە لە ڕیزەكانیدا و لە هەمان كاتدا توندییەكی پێویستی پێشبركێی هەیە.

ڕۆژنامەی "بیڵد" ئاهەنگی ئەو شتەی بە "سەرەتاییەكی نایاب بۆ ساڵی پاڵەوانێتی ئەوروپا" وەسف كرد

ناگلسمان بۆ ئەو دوو یارییە دروشمی "ئێمەین كە هێرش دەكەین" بەرزكردەوە و ئەمەش ئەو تیپەی كە ماكسیمیلیان میتلستاد، بەرگریكاری چەپ و هاوڕێكانی لە شتوتگارت دێنیس ئوندێڤ و ڤاڵدێمار ئەنتۆن بۆ یەكەمجار بەشدارییان تێدا كرد، بە خۆشحاڵییەوە كردیان و خۆشی كە ماوەیەكی زۆر بوو نەبینرابوو.

ڕودی ڤۆلەر، بەڕێوەبەری وەرزشی، دەڵێت: "ئەمە باشترین ئاست بوو كە لەم ساڵانەی دواییدا هەمانبوو، هەستێكی خۆش بوو".

تۆنی كرۆس یاریزانی یانەی ڕیال مەدرید، براوەی جامی جیهانی 2014 كە نزیكەی سێ ساڵ دوای وازهێنانی لە تۆپی پێی نێودەوڵەتی گەڕایەوە بۆ هەڵبژاردەی ئەڵمانیا، وتی: هەنگاوێكی باش و گرنگمان بۆ پێشەوە ناوە.

كرۆس كۆنترۆڵی هێڵی ناوەڕاستی كرد وەك ئەوەی پێشتر هەرگیز ئامادەنەبووبێت، جوشوا كیمیچ توانی بۆشاییەكانی بەردەم مباپێ دابخات، دوای ئەوەی لە هێڵی ناوەڕاستەوە گواسترایەوە بۆ بەرگریكاری ڕاست، هێڵی بەرگری لەلایەن ئەنتۆنیۆ ڕودیگەر و جۆناسان تا و... توانیمان بۆ یەكەمجار لە ماوەی ١٢ مانگدا بە گۆڵێكی خاوێن بێینە دەرەوە.

لە هێرشبردندا، دووانە گەنجەكەی فریتز و جەمال موسیالا هەڕەشەیەكی بەردەوامیان دروستكرد، چونكە لە ئاستێكدا دەركەوتن كە لەگەڵ وەسفی ناگلسماندا دەگونجێت كە وەك “ساحیر” باسی دەكات.

بەهای بردنەوەكە لە بەرامبەر هۆڵەندا ڕوون دەبێتەوە، كە هەینی ڕابردوو بە ئەنجامی 4-0 لە هەڵبژاردەی سكۆتلەندا بردەوە، كە هەڵبژاردەی ئەڵمانیا لە یاریی یەكەمی یۆرۆی 2024 لە 14ی حوزەیرانی داهاتوو ڕووبەڕووی دەبێتەوە.

گۆڤاری "كیكەر"ی ئەڵمانی بڵاویكردەوە، تیپەكە یەكسەر لە دۆخی قەیرانەكانەوە ناچێتە پاڵێوراوبوون ، بەڵام لەگەڵ ڕاهێنەرەكەیدا ئاماژەیەكیان ناردووە كە زیاتر لە 80 ملیۆن هاو نیشتمانی چاوەڕێی ئەو ئاستە بوون.