کەمێک پێش ئێستا چوارەم یاری قۆناغی 8 ی جامی نەتەوەکانی ئاسیا بۆ هەڵبژاردەکانی خوار تەمەن 23 ساڵ لە نێوان هەردوو هەڵبژاردەکانی عێراق و ڤێتنام بە کۆتا هات کە تیایدا بێچووە شێرەکانی ڕافیدێن توانییان بە تاکە گۆڵێکی عەلی جاسم بردنەوە تۆمار بکەن و وەک چوارەم هەڵبژاردەی چوار گۆشەی زێڕینی پاڵەوانێتییەکە خۆیان ناونووس کرد.

بەم شێوەیەش هەڵبژاردەکانی عێراق و ژاپۆن و ئۆزبەکستان و ئەندۆنیسیا سەرکەوتنیان بۆ قۆناغی چوار گۆشەی زێڕین مسۆگەر کرد.

لە بەرامبەردا هەر چوار هەڵبژاردەکانی (قەتەڕ/ وڵاتی میوانداریکەر و کۆریای باشور و سعودیە و ڤێتنام) ماڵئاواییان کرد لە قۆناغی 8 ی پاڵەوانێتییەکەوە.

ڕۆژی دوو شەممەی داهاتوو

قۆناغی پێش کۆتایی

ئەندۆنیسیا - ئۆزبەکستان کاتژمێر 5 ی عەسر

عێراق - ژاپۆن کاتژمێر 8:30 ی شەو