وەزیرێ ساخلەمییێ یێ هەرێما کوردستانێ ئەڤرۆ ئەگەرێن سەرەکی یێن وەلاتییێن هەرێما کوردستانێ پێ دبنە قوربانی راگەهاندن و دیارکر: کێشەیێن جڤاکی ژ هەموو ئەگەران پتر وەلاتییان دکەنە قوربانی.

د. سامان بەرزنجی، وەزیرێ ساخلەمییێ یێ هەرێما کوردستانێ ئەڤرۆ راگەهاند: ل گۆرەی داتایێن ل بەر دەستێن وان هەین، ل هەرێما کوردستانێ زێدەترین رێژەیا قوربانییان، ب تایبەت کەسێن ب ئەگەرێ رویدانان ژیانا خۆ ژ دەست ددەن، ژ ئەگەرێ کێشەیێن جڤاکینە.

بەرزنجی هەروەسا دیار کر: رویدانێن هاتنوچوونێ ل رێزا دویێ دهێن، ب تایبەت رویدانێن ماتۆرسکلان.

دەربارەی سەرەدەرییا نەخۆشخانەیێن هەرێما کوردستانێ ل گەل وان رویدانان، وەزیرێ ساخلەمییێ دوپات کر: وان ژمارەیا یەکەیێن چاڤدێرییا چڕ زێدە کرییە و د پلان دایە زێدەتر ژی لێ بکەن، لێ ژبەر کو گەلەک کەس ژ باژێرێن دی یێ ئیراقێ و گەلەک ئاوارە نوکە پشتبەستنێ ل سەر نەخۆشخانەیێن هەرێمێ دکەن، لەورا وان کێشەیا کێماتییا تەختان ل وان یەکەیان هەیە.