سەقاناسیا هەرێمێ پێشبینیێن سەقایێ ئەڤرۆ و سوبەهی بەلاڤکرن و تێدا ڕاگەهاندیە، ئەسمان ل پتریا دەمان عەورێ تەمام دبیت، دبێژیت ژی، "ئەڤرۆ ل دەمێن پشتی نیڤرۆ بارانەکا بهێز ل پتریا دەڤەران دێ باریت".
رێڤەبەریا گشتیا سەقاناسی و عەرد هەژزانا هەرێمێ پێشبینیێن ئەڤرۆ و سوبەهی بەلاڤکرن و تێدا هاتیە، ئەڤرۆ پێنجشەمبی ئەسمان ل پتریا دەڤەران عەورێ تەمام دبیت و تاڤێن بارانێ دێ بارن، ل دەمێ پشتی نیڤرۆ ژی ل پتریا دەڤەران بارانەکا بهێز دێ باریت.
ئاماژە ب وێ یەکێ ژی کر، بریسی ژی دگەل باران بارینێ دا دبن و پلەیێن گەرمێ هەڤبەر ب دوهی چارشەمبیێ، ئێک بۆ دوو پلەیان دێ هێنە خار.
دەربارەی سەقایێ سوبەهی ئەینیێ بەحسا وێ یەکێ کر، ل سەرانسەری هەرێمێ ئەسمان ب تەمامی عەور دبیت و بارانەکا بهێز دێ باریت و ناڤ ب ناڤ بریسی دگەل دا دبن.
ئەو یەکژی بەرچاڤکر، پلەیێن گەرمێ هەڤبەر ب ئەڤرۆ دوو بۆ چار پلەیان دێ هێنە خار.