وتەبێژی وەزارەتی دارایی حکومەتی کاربەڕێکەری هەرێمی کوردستان، وەزارەتی دارایی عێراق بە هۆکاری دواکەوتنی مووچەی مانگی نیسانی فەرمانبەرانی هەرێم تۆمەتبار دەکات.

هونەر جەمال وتەبێژی وەزارەتی دارایی و ئابووریی هەرێمی کوردستان رایگەیاند:" ئەوەی پەیوەستە بە ئێمەوە بۆ ناردنی مووچەی مانگی نیسانی فەرمانبەران ئەنجاممان داوە و هۆکاری دواکەوتنی ناردنی مووچەکە، وەزارەتی دارایی عێراقە".

ئەوەشی خستەڕوو، " بە هەموو پێوەرەکان دەبێت لەم هەفتەیەدا وەزارەتی دارایی حکومەتی عێراق ئەو بڕەی دیاریکراوە بۆ مووچەی فەرمانبەرانی هەرێمی کوردستان رەوانەی هەولێری بکات".