هەر كەسەكێ سەرنەكەفتی و نە شێت دوو كەسا ب ڕێڤەببەت دێ هێتە سەر سوشیال میدیایێ و دێ سڤكاتیێ ب كەسانێن مەزنێن جیهانی كەت كو ڕێرەوێ مێژوویێ گوهارتی یە
نموونێن مینا صلاح الدین ئەیوبێ كوردی
یا پێتڤی بوو ڕاگەهاندنێ ژی گرنگی ب ئەڤان كەسانێن سەرنەكەفتی نەدابا و چ بها نەدابایێ.
نەخاسمە هەکە بەحسا سەرکردەکێ کوردبیت ….!
صلاح الدین ب پێنووسێ من .. گەلەك ئاخفتن لسەر صلاح الدین هاتینە كرن كو ل مسرێ و گەلەك وەڵاتێن دیتر ژی ڤیایە خۆ ژێ دویر بكەن ژبەر لایەنێ سیاسی و ئیسرتاتیژیەتا نوی یا مسرێ كو بەرەف مەشاندنا ڕادەستكرنێ بەرب ئیسرائیلێ ڤە
و ڤەكرنا دەرگەهی و خۆشكرنا ڕێكێ ژبۆ دووبارە ڕاكێشانا شیعەیان !!
صلاح الدین کوردی ئەو سەركردێ ئیسلامی یێ كو پتری هەمیان ڕۆژهەلات و ڕۆژئاڤا لسەر ئاخفتنی
▪️و ژ ئەوان ڕۆژئاڤاییان ب دادی بەحس ل ژیانناما وی كرین :
?مێژوونڤیس و خاچ پەرێسێ یێ د سەردەمێ ویدا ژیایی مێژوونڤێسێ بیزەنتی (نیكتاس خونیاتس)
?مێژوونڤێسێ كەفتنا ئیمبراتوریەتا ڕۆمانی (ئیدوارد جیبوون)
?و مێژوونڤێسێ بریتانی (هاملتون جب)
?مێژوونفێسێ روسی (میخائیل زابوروف)
?مێژوونڤێسێ فەرەنسی(كلود كاهن) و گەلەكێن دی
▪️بەلێ گوتنێن كرێت و هەقارەت وكێم وبێ دیاركرنا چ بەلگەیەكی یان بنەمایەكی یان ژێدەرەكی ئەڤە ژ كەرب و نەڤیانێ یە و ژ كێم ڕەوشت یا وی كەسی یە بێ گومان ئەڤ كەسانێن وەسا نەڕەوشەنبیرن و نە زانانە و نەژی نڤیسەرە.
و ڕامانا وێ ئەو نینە كو ئەو كەسەكێ پپرۆزە و نابیت ڕەخنێ لێ بگرن بەلێ ب مەرجەكی لدویڤ وێ مێژوویا سەردەمێ وی بیت چونكی ل وی سەردەمی دەولەت لدویڤ ناڤێ بابی یان بنەمالێ ددانان ئەو مریاتگرێ دەولەتا زەنكی بوو و دەولەتا ئەیوبی دامەزراند و بۆ كرە میرات بۆ زارۆكێن خۆ و ئەوان ژی ئەو دەولەت نە پاراست و ل دوماهیێ ژناڤچوو ونەما وەكی ئەوان دەولەتێن ب وی شێوەی هاتینە ئاڤاكرن .
كورتییەك ژ ژیانناما وی یا وی سەردەمی و كاچ پێشكێشكرییه
ئەو ناڤدارترین سەركردە بوویە د جیهانێ دا پشتی مرنا
پێغەمبەرێ سلاڤێن خودێ لسەربن
( پاشایێ سەركەفتی بابێ موزەفەر یوسف كورێ ئەیوب)(532 - 589) صلاح الدین و دونیایێ
و ژ ناسناڤێن وی (خزمەتكارێ هەردوو حەرەما)
( خادم الحرمين) و ناڤێ ل خوتبا دئینا و دوعا بۆ دكرن و ئەوی حەج نەكرییە ژبەر مژوویی بوونا وی ب جیهادێڤە ..!
▪️ناسناڤێ ئەیوبییان دزڤریت بۆ ئەیوب كورێ شازی
كورێ مەروان كورێ یەعقوبێ دوێنی ، ئەوێ ل باژێركێ دوێن ژدایك بووی ل دەوروبەرێن ئازەربیجانێ دگەل جورجیا خەلكێ باژێرێ دوینە ژ بنەمالەكا كوردێن رەسەنە .
▪️ل تكریت ل عێراقێ ژ دایك بوویە د ئەوێ شەڤا بابی وی چوویە دیمەشقێ و والیێ وێ بوویە وژبەر زیرەكی و شارەزاییا وی د ڕێڤەبرنێدا چوویە وێرێ .
▪️وەكهەڤیەكا مەزن هەبوویە دناڤبەرا حالێ ئوممەتێ یێ نوكە و وی سەردەمی ، ژ هەبوونا پارچەبوونێ و دوو بەرەكیێ وشەرێن ناڤخۆ و كەفێن دەرەكی یێن خاچ پەرێسا و تەتەرا و هەژاری ونەخۆشی و بەرەڵایی گەلەك پەیداببوو دناڤ كومەلگەهێن موسلمانان دا.
و ئەڤ دووبەرەكییە و ژێكڤەبوون ونەخۆشی ژ ئەنجامێ لاوازییا خیلافەتا عەباسی بوون و ویلایەتێن جودا جودا بوون و هەر ئێكی سەربەخۆ خۆ ب ڕێڤەدبر و گەلەكا ژی هەوارێن خۆ دگاهاندنە دوژمنا ژبەر شەرێن ناڤخویی. و بڤی سەروبەری ئومەتا ئیسلامێ دا كەڤیت ب دەستێن دوژمنێن دەرەكی كو ژ هەمی ئالایان ڤە هێرش دكرنە سەر موسلمانان. ژبو چارەسەركرنا ئەڤێ ئاریشێ پێدڤی ب دوو كاران بهێتە کرن :
١- سەركردەكێ موسلمان و خودان سیفەتێن چاكسازی و سەركەفت بیت .
٢ - پرۆگرامەكێ ئیسلامی یێ ئاسان و ببیتە ڕێك كو ئەو سەركردە ل دویڤ بچییت، بشێوەیەكی كریارا چاكسازییا ئومەتێ لسەر بنەمایەكێ دروست و تەمام و ب هێزبیت ژ هەمی لایەكیڤە.
و ب ڤێ چەندێ صلاح الدین دەستپێكر بەرەف دووبارە ئاڤاكرن و ڤەژاندنا ئومەتێ ژلایێ ناڤخویڤە و دەست ب چاكسازییا جهێن خرابووی و خەلەتكر و جهێن نەخۆش چارەسەركرن ب دەرمانێن خودایی . و ئەڤا ل خوارێ كورتییەكە ژ پرۆگرامێ صلاح الدین بۆ گوهورینێ و چاكسازییا ناڤخویی و دەرەكی یا ئومەتا ئیسلامێ
▪️ژ سیمایێن كەسایەتیا وی :
١ - فێری ڕێڤەبرنێ بوویە ژ بابێ خۆ، و وێرەكی و زیرەكی ژ مامێ خۆ شێركوی، و ئارماجێن ستراتیژی ژ مامۆستایێ خۆ نورەدین زەنكی
هەروەسا جیهادێ.
٢– خەما وی ژبۆ دادیێ ، ژبەر میر و وەزیرێن بەری وی ب ڕێكا گرتنا پارە و زەڤیێن وان خۆ لسەر خەلكی فەرزدكر و پاشا ژی ل سەر وێ چەندێ د رازی بوون ژبەر پاراستنا دەستهەلاتا خۆ ، لێ وی ئەڤە نەهێلا .
٣ - گەلەك حەز ژ مالی نەدكر لەوما چ پارە و ئەقار لدویڤ خوڕا نەهێلان ژبەر مەردینی و باشیا وی دگەل میرێن وی ودگەل خەلكەكی و هەتا دگەل دوژمنێ خۆ ژی وگەلەك یێ كێم بوو د كار و جل و خارن و سواربووناندا و جلێن سوفی و پەمبی و كتانی لبەرخودكرن .
٤ -گرنگی دان ب زانستێ د زمان و ئەدەبی دا و روژانێن خەلكی و دیوانا ) حەماسە( یا ئەبی تەمام )ژبەردكر .
٥ - دروستكرنا قوتاخبانێن زانستی ل وان هەمی باژێرێن كەفتنە ژێر دەستهەالتا وی ل مصرێ و شامێ و مویسل و بیت وملەقدس، ئەردێن چاندنێ و خانی و فرۆشگەه دكرنە وەقف ژبو قوتاخبانا
٦ - گەلەك گرنگی ددا نڤێژێت ددەمیدا و ب كومەل هاتبانە كرن : دبێژن چ جارا نڤێژا ب كومیژێ نەچوویە هەتا دەمێ كەتییە د نەخۆشیا مرنێ ژی دا ئیمام دهاتە نك وی بۆ كرنا نڤێژا ب كومی.
٧ - یێ دل نەرم بوو و گەلەك زوی گریا وی دهات ل دەمێ گوهداریكرنا قورئانێ دكر .
٨ - یێ نافچاف ڤەكری و ب كەنی بوو ، گەلەكێ ڕژد بوو لسەر ئەجامدانا خێرێ و كارێ خێرخوازی .
٩ - چ سەركردە ب درێژاهییا مێژوویێ نەدگەهشتنە ئاستێ ڕەوشت بلندییا وی هەتا دگەل دوژمنێ خۆ ژی د مێژوویێدا نە ڕوویدایە شیرەتێ ل نوژدارێ خۆ یێ تایبەت بكەت بچیت چارەسەریا سەركردەیێ لەشكەرێ ئینگلیزا بكەت ئەوێ هاتی دا ئەردێ وان داگیربكەت ! و جارەكێ شەر ڕاوەستاند دەمێ زانی دوژمنێ وی یێ ژناڤ دچییت ژ برسادا !! و دەرفەت دا دوژمنی دا خوارنا خۆ بخون و بێهنا خۆ ڤەدەن و پاشی شەری بكەنەڤە دا بشێن وەكهەڤ بن!! ئەڤێ چەندێ ڕۆژئاڤا مەندەهۆشكرن و بۆ ئەگەر كو ل سەر ژیانا وی بنڤێسن .
▪️ژ ناسناڤێن وی :
?(پادشاهێ دەم درێژ ، سەربلندێ مللەتی ، بنگەها
دەولەتێ ، سەرفەرازێ ئیسلامێ ، ئەلب ب رامانا شێر ، غازی ، تاجا پاشا و سولتانا ، شكێنەرێ كافرو موشركا ، شكێنەرێ دەركەفتی و گومڕەیا).
دهێتە هژمارتن ژ رزگاركەرێن قودسێ ..... و دامەزرێنەرێ دەولەتا ئەیوبییا ئەوا ژ ئەڤان جها پێك دهات (مسر ، شام و هەتا دگەهیتە گزیرتا عەرەبی و یەمەنێ) .
خودێ د پەرتووكا خودا دبێژیت ((لَقَدْ أَنزَلْنَا إِلَيْكُمْ كِتَابًا فِيهِ ذِكْرُكُمْ ۖ أَفَلَا تَعْقِلُونَ)) (ئانكو سەرفەرازی و ڕۆممەتا هەوە تێدایە)
- ئەو دهێتە هژمارتن ژ دەرچوویێن قوتابخانەیا زەنكی و لسەر دەستێ (نورەددین) فێربوویە كو ئەو ژ بیاتا سەلاجیقەیێن توركە .
▪️ئەوی ژی میراتگرییا دەستهەلاتێ ژ بابێ خۆ وەرگرتییە (عماد دین زەنكی) خودانێ هزرا ئێكگرتنا ئومەتێ هەیی ژ شامێ و مسرێ دا بەرهنگاریا خاچ پەرێسا بكەت پاشی هاتە كوشتن ژلایێ كرێ گرتیێن خاچپەرێساڤە خودان
هزرێن ڤەشارتی ئەوێن بەربەلاڤ ل وێرێ !
▪️نورەددین زەنكی خودانێ ناسناڤێ شەهید ڕابوو ب
جێبجێكرنا پرۆژەیێ بابێ خۆ ب ڤەكرنا قوتابخانەیا ژبو بەلاڤكرنا زانینێ دناڤ خەلكیدا و پێنگاڤێن باش هاڤێتن ژبۆ ئێكگرتنا پرۆژەیی و بریاردا صلاح الدین و مام وی شێركو بچنە مسرێ ژبەركو مسر دەولەتەكا ناڤەندی و ستراتیژی بوو د دەڤەرێدا و ددەستێ فامتی یاندا بوو و خال خارزاییا موسلمانابوو و یا هەڤسوو دگەل خاچ پەرێسا ! و ژیێ وێ دگەهشتە 200 سالان.
▪️و ل وێرێ پشتی مرنا مامێ وی شێركوی و مرنا پاشایێ پاترۆن، ئەوی كارێن ڕێڤەبەرنا میرێ وەرگرتن ژبەركو یێ شارەزابوو د ڕێڤەبرنێدا .
▪️لسەر دەستێ بابێ خۆ فێری ڕێڤەبرنێ و حیكمەتێ و شارەزاییا لەشكەری و زیرەكی ژ مامێ خۆ فێربوویە، و شارەزاییا ستراتیژی ژ مامۆستایێ خۆ (نورەددین زەنكی )
وەرگرتییە .
⭕️ژ كارێن وی :
كاروبارێن ناڤخویی :
١ - ڤەكرنا قوتابخانەیێن سونی ژبو ساخكرنا سوننەتێ و ڤەژاندنا گیانێ جیهادێ و ڕاوەستاندن بەرامبەر هزرا ڤەشارتی ئەوا بەربەلاڤ ل مسرێ لسەر دەمێ فامتییا و ئەڤ هزرە ئەگەرێ پاشگەزبوونا سیاسی وەكو هێزەك ل دەڤەرێ .
٢ - ڤەكرنا قوتابخانەیان و تەكیایێن سوفییا ئەوا لایەنێ سۆزداری یێ خەلكی ڤەدگرت ئەوا نێزیك ژ هزرا حوسینییا ئەوا بەر بەلاڤ ل مسرێ .
٣ - كاراكرنا ڕۆڵێ زانا و فەقیهان و شیرەتكاران وپشت بەستن ب وان وەكو ( قازیێ باش كورێ شەدادی عیسایێ هەكاری) ، و هزرێن ئەلعز كورێ عبدولسەلامی ، و ئەبو حامد ئەلغەزایلی ، ژبو بلندكرنا رۆح و حەزا جیهادێ.
٤ - ئاڤاكرنا نەخۆشخانەیان.
٥ - گرنگی دان ب بازرگانیێ و پیشەسازیێ و چاندنێ، و بازرگانی دگەل ئەوروپییان ئەوێن نە د شەریدا دگەل وان .
٦ - ئاڤاكرنا كەلها و سوڕا ل مسرێ (قاهریە و ئەسیوت و ئەسكەندەرییە).
٧ – ئاڤاكرنا سیستەمێ لامەركەزیەتێ ...!
٨ - پێشڤەبرنا سیستەمێ لەشكەری، و پەیرەوكرنا لامەركەزیەتێ د سیتەمێ لەشكەریدا ! بەڵاڤكرنا پارچێن ئەردی لسەر خێزانێن مریا بەرامبەر هاریكاریكرنا لەشكەرێ ل ژێر فەرمانا وی
⭕️كاروبارێن دەرەكی :
پشتی مرنا (نورەددین زەنكی) و كوڕەكێ بچویك لدویڤ خۆ هێلای و نەشێت كارێ ڕیڤەبرنا دەولەتێ بكەت ویێ ل ژێر كەفا چەوساندنێ بوو !
و بوو ئەگەرێ پارچەبوون و ژناڤچوونا مێرنشینا زەنكییا و تووشی ترساندنێ بوون پشتی سەرنەكەفتنا پڕۆژێ ئێكگرتنێ ئەڤ چەندە بوونە ئەگەر صلاح الدین مایتێكرنێ ددەستهەلاتێ دا بكەت و كونترۆلێ لسەر دەستهەلاتا زەنكیا كر ژبۆ كونترەلكرن و دابینكرنا ئێمناهیێ و ژبۆ جێبجێكرنا پڕۆژەیێ مامۆستایێ خۆ یێ ئێكگرتنێ بەلێ لژێر دەستهەلاتا ئەیوبییان ..
١ - دیمەشق تەڤلی وی بیت.
٢ - حەلەب تەڤلی بوو .
٣ - دیاربەكر و جزیرە و نسێبینی و شنگار تەڤلی كرن.
٤ - مویسل ژی تەڤلی وی بوو بەلێ وەكو هەڤكار ژبەركو نەدشیا دەستهەلاتداریا ڕۆهایێ بكەت.
٥ - خەلیفێ عەباسی پشڕاستكر كو وی ب نەفرەتان عاجزنەكەت !
٦ - كونترۆلكرنا یەمەن و وحیجاز و مەكە و مەدینە و كونترۆلكرنا دەریایا سۆر ژبۆ پاراستنێ ژ هێرشێن خاچ پەرێسا، و ل وی دەمی ناسناڤێ ) خزمەتكارێ هەردوو حەرما ( دانا سەر!
٧ - ئاگربەسنت و گرێدانا پەیمانا دگەل هندەك خاچ پەرێسا داكو دەم هەبیت ناڤخۆییا خۆ ڕێكبێخیت.
٨ - هەڤپەیمانیا دگەل سەلاجیقێن ڕۆمی. و پشتی 12سالان شیا بەرەیەكێ ئیسلامی یێ ئێكگرتی ب دامەزرینیت و ژ وێرێ شەرێ (حتینێ)(یێ ئیكالكەر) و پاشی ڤەگەراندنا قیبلەگەها ئێكێ ل 27رەجەبێ 583 مشەختی، پشتی 88 سالان ژ داگیركرنێ و هەلدێرانا بانگی ) اهلل اكرب( ل سەر سۆرێن قودسێ .
خەما وی ئەوبوو پشتی ژیێ وی مەزن بووی گوتنا خۆ گوت:
«ئەگەر من وەستیان وزەحمەت ب ناڤچاڤێن لەشگەریڤە نەدیتبا و حەز ژێكرنا وان بۆ زڤرینا وەلاتێن خۆ دا فەرمانێ ل وان كەم وئەز
ل سەركێشیا وان دەریایێ دەرباز بوویم و بەرەف ئەورۆپا دا ئەو چ جارا هزر د داگیركرنا عەردێن مە دا نەكەن » پشتی 9 سالان و ل رەجەب - سەفەرێ – سالا 589ێ
چوو بەردلوڤانیا خودێ