وەزارەتا بەرەڤانیا ئەمریکا ڕاگەهاند، وی ولاتی نەڤێت دگەل ئیرانێ بکەڤیتە هەڤڕکی و ئالۆزیان لێ یا رژدە لسەر پاراستنا هێزێن ولاتێ خۆ و پشتەڤانیکرنا ئیسرائیل.

ئەڤرۆ ئێکشەمبی، پشتی هێرشێن ئیران بۆ سەر ئیسرائیل وەزارەتا بەرەڤانیا ئەمریکا ڕاگەهاندنە بەلاڤکر و تێدا هاتیە، ئەو هەلویستێ وان لهەمبەر هێرشێن ئیرانێ بۆ سەر ئیسرائیل هەبوویە لسەر داخازا جۆ بایدن سەرۆکێ ئەمریکا بوویە.

بەحسا وێ یەکێ ژی کر، لسەر داخازا جۆ بایدن شەڤا دەربازبووی هێزێن وان ل رۆژهەلاتا ناڤەراست دەهان مووشەک ژناڤبرینە کو ژ ئیران و یەمەن و عێراق و سوریا ڤە هاتبوونە ئاراستەکرن.