وەزیرێ پەترۆلا عێراقێ ڕاگەهاند، داخاز ژ حکومەتا رێڤەبرنا کاران هاتیەکرن کو کۆپیەکێ ژ گرێبەستێن کۆمپانیێن پەترۆلی بدەتە وەزارەتا پەترۆلا عێراقێ، هەیا بشێن پەیوەندیەکا راستەوخۆ دگەل کۆمپانیا ب بازارکرنا پەترۆلێ عێراقێ سۆمۆ هەبیت، دبێژیت ژی، "هناردەکرنا پەترۆلا هەرێمێ دەستپێدکەت و مە داخاز ژ هەرێمێ کریە بەرهەڤیێن تەمام بۆ وێ پرۆسەیێ بکەن".

ئەڤرۆ شەمبی، حەیان عەبدولغەنی وەزیرێ پەترۆلا عێراقێ ڕاگەهاند، ب ڤان نێزیکان دەست ب هنارتنا پەترۆلا هەرێمێ دهێتەکرن و داخاز ژ حکومەتا رێڤەبرنا کاران هاتیەکرن کو پەترۆلا هەرێمێ رادەستی کۆمپانیا سۆمۆ بکەت هەیا ب رێکا بۆریا پەترۆلا تورکیا - جەیهان رەوانەی بازارێن جیهانێ بهێتەکرن.

ئاماژە ب وێ یەکێ ژی کر، پەیوەندیەکا راستەوخۆ دناڤبەرا کۆمپانیێن پەترۆلیێن هەرێمێ و سۆمۆ نینە و بۆ وێ مەرەمێ ژی دخاز ژ وەزارەتا سامانێن سروشتیێن حکومەتا رێڤەبرنا کاران هاتیەکرن کو کۆپیەکا گرێبەستان رادەستی کۆمپانیا ب بازارکرنا پەترۆلا عێراقێ (سۆمۆ) بکەت.

ئەو یەکژی بەرچاڤکر، "پەیوەندیێن دناڤبەرا کۆمپانیێن پەترۆلی و کۆمپانیا ب بازارکرنا پەترۆلا عێراقێ (سۆمۆ) بۆ هناردەکرنا پەترۆلا هەرێمێ یا گرنگە ژبەر هندێ دڤێت حکومەتا رێڤەبرنا کاران پێنگاڤێن خۆ بلەزتر بکەت د وی دەربارەی دا.