دەربارەی تاقیکرنا نیشتیمانی وەزارەتا پەروەردێ داخازێ ژ قوتابیان دکەت، خۆ دویر بکەن ژ ئەنجامدانا گزیکرنێ ل دەمێ تاقیکرنان و ب وان مالپەرێن سۆشیال میدیایێ سەردا نەچن کو ئامێرێن گزیکرنێ دفرۆشن. دبێژیت ژی، "ل دەمێ ئەنجامدانا وی کاری بەرهنگاری یاسایێ دبن".

وەزارەتا پەروەردا حکومەتا رێڤەبرنا کاران ڕاگەهاند، د کڤانا بەرهەڤیان دا بۆ برێڤەچوونا تاقیکرنا نیشتیمانی و تاقیکرنێن گشتی، بەرهەڤیان دکەن بۆ بەرهنگارکرنا هەمی وان تۆهمەتباران کو ب رێکا سۆشیال میدیایێ دڤێت قوتابی سەردا ببەن.

ئاماژە ب وێ یەکێ ژی کریە، هندەک ژ وان روپەلێن د سۆشیال میدیایێ دانە داخازا یاسایی لسەر هاتیە تۆمارکرن و لسەر سکالایا وەزرەتا پەروەردێ هاتینە دەستەسەرکرن.

دبێژیت ژی، هەر کەسەک ژی وان کاران بکەت بەرهنگاری یاسایێ دهێتە کرن، ئەگەر پشتی تەمامبوونا پرۆسەیا تاقیکرنان ژی بیت.