ل کەرکوکێ چەند چەکداران ب جلوبەرگێن سەربازی ڤە د چنە سەر مالەکێ بناڤێ هەوا لێگەریانێ و پشکنینێ، نێزیکی ٧٠ هزار دۆلاران و ب بهایێ نێزیکی ٥٠ ملیۆن دیناران زێری د مالەکێ دا دبەن.

کاوە غەریب رێڤەبەرێ پۆلیسێن کەرکوکێ  ڕاگەهاند، وان چەکداران جلوبەرگێن سەربازی لبەر کربوون دا کو خودانێ مالێ بسەردا ببەن، ب ترۆمبێلەکێ ژ جورێ تاهۆ رەش چووینە بەر دەرگەهێ وێ مالێ.

بەحس ل وێ ژیکر، چووینە ژورڤە و خودانێ وێ مالێ دەستبەسەر کرینە، بناڤێ هەوا لێگەریانێ و پشکنینێ بۆ ماددەیێ هشبەر د وێ مالێ دا.

گوت ژی، وان چەکداران نێزیکی ٦٠ هزار دۆلار و ١٢ ملیۆن دینارێن عێراقێ د وێ مالێدا برینە، هەروەسا ب بهایێ ٥٠ ملیۆن دینارێن عیراقی زێر برینە.

رێڤەبەرێ پۆلیسێن کەرکوکێ گوت ژی، ناسنامەیا وان تۆهمەتباران ئەشکرا کریە و مژیلی ڤەکولین و دەستەسەرکرنا وان تۆهمەتابارانن.

بەحسا وێیەکێ ژیکر، ئەڤرۆ دێ زانیاریێن زێدەتر دەربارێ وێ بوویەرێ ئەشکرا کەن.