بریارە ئەمرۆ حكومەتی عێراق بەسەرۆكایەتی سەرۆكی ئەنجومەنی وەزیران لەگەڵ لیژنەی تەندروستی لە پەرلەمانی عێراق كۆببێتەوە.
سەلمان ئەلغرێباوی ، ئەندامی لیژنەی تەندروستی لە پەرلەمانی عێراق رایگەیاند ، : " ئەمرۆ لیژنەكەمان لەگەڵ سەرۆكی حكومەتی عێراق مستەفا كازمی كۆدەبێتەوە و تاوتوێ دواین پێشهاتەكانی ڤایرۆسی كۆرۆنا دەكەن".
وتیشی : " كۆبوونەوەكە لەپێناو قسەكردن دەبێت لەسەر كەمی پێداویستی نەخۆشخانەكان و كەلوپەلە تەندروستییەكان و كەمی میلاكات ، هەروەها باسی هێرشكردنە سەر كارمەندانی تەندروستیش دەكرێت".
سەلمان ئەوەیشی راگەیاند : " بابەتی دەرمانە رووسیەكە لەنێو كۆبوونەوەكە دەبێت و باسێكی وردی ئەم دەرمانە دەكرێت بۆ ئەوەی عێراق وەك چارەسەر بەكاری بهێنێت".