بەهۆی زیادبوونی ژمارەی تووشبووان بە ڤایرۆسی كۆرۆنا ،دوو پارێزگای عێراق بڕیاری ڕاگەیاندنی قەدەغەی هاتووچۆی تەواوی ڕاگەیاند.

ئه‌مڕۆ چوار شه‌ممه‌  8 ی ته‌مموزی  2020 نازم وائلی، پارێزگار و سەرۆكی شانەی قەیرانەكانی زیقار لە كۆنگرەیەكی ڕۆژنامەوانی هاوبەش لەگەڵ بەڕێوەبەری پۆلیس و بەڕێوەبەری تەندروستی ڕایگەیاند، كە بەهۆی بەرزبوونەوەی حاڵەتەكانی تووشبوونی ڕۆژانە بە ڤایرۆسی كۆرۆنا بڕیارمانداوە بە جێبەجێ‌ كردنی قەدەغەی هاتووچۆی تەواوەتی.

نازم وائلی ئاماژه‌ی به‌وه‌ش دا ، كە قەدەغەی هاتووچۆ تەنها دەرمانخانەكان و فرۆشگای ناو گەڕەكەكان ناگرێتەوە و هەر كەسێك سەرپێچی بكات سزای توند دەدرێت.

هه‌روه‌ها له‌لایه‌ن خۆشیه‌وه‌، شانەی قەیرانەكانی دیوانیە لە بەیاننامەیەكدا باسی له‌وه‌ كردوه‌ ، كە بڕیار دراوە بە سەپاندنی قەدەغەی هاتووچۆی تەواو و گشتگیر لە تەواوی پارێزگاكە.

ئه‌هوه‌شی خستووه‌ته‌ ڕوو، بڕیارەكەیان بۆ ڕێگرییە لە بڵاوبوونەوەی زیاتری ڤایرۆسی كۆرۆنا و لە سبەینێوە تاوەكو ڕۆژی شەممە بەردەوام دەبێت.