ئەندامێكی ئەنجومەنی نوێنەرانی عێراق رایدەگەینێت، داوامان لەسەرۆكی دەستەی نەزاهە كردووە سكاڵا لەسەر وەزیری پێشووی دارایی حكومەتی عێراق بجوڵێنێت.
ئەنعام ئەلخزاعی ، ئەندامی ئەنجومەنی نوێنەرانی عێراق رایدەگەینێت ، بەشداریمان لە داوایەك كردووە كە ئاراستەی سەرۆكی دەستەی نەزاهە كراوە سكاڵا لەدژی فوئاد حوسێنی وەزیری پێشووی دارایی و ئێستای دەرەوە تۆماربكرێت.
وتیشی : " سكاڵایەكە بەهۆی ماددەی (340)ـی بەهەدەردانی سامانی گشتی بووە ، داواكراوە بەهۆی ناردنی بودجەی هەرێمی كوردستان بەشێوەی نایاسایی پێویستە بۆ ماوەی (7) ساڵ سزای بەندكردنی بۆ دەربچێت.