ئەمڕۆ شەممە حیزبە كوردستانیەكان لەسەر ئاستی بەرپرسی یەكەمی حیزبەكان لە كەركوك كۆبونەوەو پرسی هەڵبژاردنی ئەنجومەنی نوێنەرانی عێراق تاوتوێ دەكەن.

پەیامنێری كوردیو لە كەركوكەوە پێی ڕاگەیاندین: ئەمڕۆ شەممە حیزبە كوردستانیەكانی كەركوك لەسەر ئاستی بەرپرسی یەكەمی حیزبەكان لە بارەگای حیزبی زەحمەتكێشان كۆبونەوەو گفتوگۆ لەسەر پرسی هەڵبژاردنی پێشوەختەی ئەنجومەنی نوێنەرانی عێراق و چۆنێتی بەشداریكردنی كورد دەكەن.

جێگەی باسە پێشتر، عالیە نوسەیف ئەندامی ئیئتیلافی دەوڵەتی یاسا لە ئەنجومەنی نوێنەرانی عێراق بە ڕۆژنامەنوسانی ڕاگەیاند: ئەمڕۆ شەممە مستەفا كازمی سەرۆك وەزیرانی عێراق كۆبوونەوەیەك لەگەڵ لایەنەكاندا ئەنجام دەدات و لە كۆبوونەوەكەدا بڕیار لەسەر وادەی ئەنجامدانی هەڵبژاردنەكان دەدرێت.