كوردیو
وەزارەتی دارایی و ئابووری هەرێم خشتەی دابەشكردنی مووچەی مانگی شوبباتی ڕاگەیاند و بڕیارە لەماوەی چوار ڕۆژدا مووچەی سەرجەم شوێنەكان بدرێت.
ئەمڕۆ پێنجشەممە 28-3-2024 وەزارەتی دارایی و ئابوری حكومەتی كاربەڕێكەری هەرێم ڕاگەیەندراوێكی بڵاوكردەوە و تێیدا هاتووە،"ڕۆژی شەممە ڕێکەوتی 30-3-2024 دەست به دابەشکردنی مووچەی مانگی شوبباتی فەرمانبەران و مووچەخۆرانی هەرێمی کوردستان دەکرێت و بە وەزارەتی تەندروستی دەستپێدەکات".
بەپێی ئەو خشتەیەی وەزارەتی دارایی بڵاویكردووەتەوە، لەماوەی چوار ڕۆژدا و لە بەرواری 2-4-2024 كۆتایی بە دابەشكردنی مووچە دێت.
لە خشتەكەی وەزارەتی داراییدا مووچەی وەزارەتی پێشمەرگە، سەرۆكایەتییەكان، هێزەكانی 70 و 80، ئەنجوومەنی ئاسایشی تێدا نییە.
جێگەی باسە، ئەم مووچەیەی بڕیارە دابەشبكرێت، ماوەی زیاتر لە دوو هەفتەیە لەلایەن بەغداوە نێردراوە، بەڵام بە بڕیاری حكوومەتی كاربەرێكەری هەرێم، دەستی بەسەردا گیرابوو و دابەشی نەدەكرد.