فەرماندەی ئۆپەراسیۆنە هاوبەشەكانی عێراق رایگەیاند، لە بۆردومانێكدا دوو سەركردەی داعشیان لە زنجیرە چیای حەمرین كوشتووە.

فەرماندەی ئۆپەراسیۆنە هاوبەشەكانی عێراق لە راگەیەندراوێكدا باسی لەوەكردووە، بە هەماهەنگی لەگەڵ دەزگای هەواڵگری سەربازی پێگەیەكی گروپە چەكدارەكانی داعشیان لە زنجیرە چیاكانی حەمرین بۆردومان كردووە.

دەشڵێت، دوای بۆردومانەكە تیمێكی فەرماندەی ئۆپەراسیۆنی دیالەو هەواڵگری ناوچەكەیان پشكنیوەو تەرمی دوو سەركردەی داعشیان دۆزیوەتەوە لەگەڵ بڕێك لە چەك و كەلوپەلی ئەو گروپە.