دەستێ دەرەکی، ئەو چیرۆکا ل گەل هەر روودانەکا نە ب دلێ دەستهەلاتێ ل ڤی وەلاتی رووبدەت، ئێکسەر وێ دئینت زمان و خەلکێ مافخوازێ بێ گونەھ پێ تومەتبار دکەت، خەلک ژی بەرسڤا دەسهەلاتێ گەلەک جاران ب کۆمێدی و تەنزێن سیاسی ددەن، کەواتە بەرسڤ ب بەرسڤێ دهێتە دان، ئەگەر ترانە ب هەستێن خەلکێ بهێتە کرن، خەلک ژی ترانا ب عەقلیەتا ڤێ دەستهەلاتێ دکەت.
ئەم ل ڤێرێ دێ ب کریارێن حکومەتێ دیارکەین کا دەستێ دەرەکی کییە؟ کی پتر خزمەتا دەستێ دەرەکی دکەت؟
دێ بیژین: کیە وەکی بیانیا ڤی مللەتی ئازار ددت، کیە وەکی داگیرکەران ڕەنجا وی دبت؟، کی وەکی کوڵۆنیالیستا سامانێ ڤێ گەلی ژ خوە ڕا دەرباز دکت، و خەلکێ وەڵاتی زڕ بەھر دکت؟!
وەرن دا بسەلمینن ب ئاوایەکێ کومان نەگەھیتێ کو حکومەت ب خوە دەستێ دەرەکییە:
وەرن دا دەستێ دەرەکی بنیاسین ئەڤە چەندین سالە ئەم گولێ دبن بەلێ ڤێجارێ مەنیاسی! ئەو دەستێ چەندین سالە د ناڤا مافێ ڤی مللەتیدا دئێت و دچیت:
٭ئەو دەستێ بۆ گرتن و کۆشتنا روژنامەڤانان دئێتە بکارئینان.
٭ ئەو دەستێ قویتێ خەلکێ دبریت.
٭ئەو دەستێ مافێ خەلکێ بۆ خوە دکەت دەستکەڤت.
٭ئەو دەستێ مووچێ فەرمانبەران گیرودکەت و ژێ دبریت.
٭ئەو دەستێ داهات و سامانێ مللەتی هندادکەت.
٭ئەو دەستێ پانزین و گازێ گران دکەت.
٭ئەو دەستێ ب گرانبوینا کارەبێ راد بت!
• ئەو دەستێ حزبیێ تێوەردانێ د سازیێن حکومیدا دکت، حکۆمەتی خولامی و قوربانی حزبا خوە دکت.
• ئەو بازرگانێن بوینە بەرپرس.
• ئەو داهاتێ ل سەر کاغەزان هاتین نڤێسین، ئەم بەرەڤ چەرخێ 22 دچن و دنیا هەمی ئەلکترونیە.
• ئەو کارەبا 24 دەمژمێری یا حکومەت بازرگانیێ بۆ بەرپرسا و خودانێن موالیدا دکەت.
٭ئەوێ بیە ئەگەر بکومی گەنج ژ ڤی وەلاتی کوج بکن
٭ئەوچاکسازییا ل سەر گیانێ هاولاتیا و گرانکرنا باجا هاتی کرن.
ب ڤان هەمی گۆتنان و ب دەهانێن دی مینا ڤانا، دترسم هێشتا بووقا دەسهەلاتێ د دەستیدابیت و ئەو یان هندەک مەلاقێن وان رابن ب ڤی کاری و تومەتێ پالدەن بو وەلاتیێن هەژار .