وەزارەتی کارەبا پێویستی بەڕاگەیاندنێکی بەهیزو کاراوکاریگەر هەیە،کەڕێنمایی بەپێزو کاریگەر بداتە هاووڵاتیان بۆ دەسگرتن بەو بڕەکارەبایەی کەهەیە،بەتایبەت لەکاتە هەستیارو پێویستەکاندا..

پێویستە وەزارەت بەسوود وەرگرتن لەکومپانیای پسپۆرو کەسانی شارەزا ، چەن ڕێکلامێکی ڕێنمایی ئامێزـ اعلان ارشادی ـ بەرهەم بێنێت،هەم بەدەنگو ڕەنگ،هەم وەکو پۆستەرو بەژمارەی زۆرو بەفراوانی لەڕێگەی میدیاکان + مزگەوتەکان +ناوەندە جیاجیاکانی خوێندنەوە+ شاشەگەورەکانی ڕێکلامەوە، لەکاتە گونجاوەکاندا بەبەردەوامی، وەکو هەڵمەتێکی نیشتمانی فراوان کەزۆرترین گروپ و دەستەو ڕێکخراو بەشداری تێدابکەن ، بڵاویان بکاتەوە..

هەروەها بەسپۆنسەری هەندێ کۆمپانیای بازرگانی و ڕێکخراوی سەربە un وە، خەڵات دیاری بکات بۆ ئەوانەی کە لەڕێگەی دەسپێشخەریی جۆراوجۆرەوە، ڕێژەی بەکارهێنانی کارەبا لەماڵ و فەرمانگەو کومپانیاو شوێنی کارەکانیان کەم دەکەنەوە ،ئەویش پاش پێوانەو بەراوردکردن لەڕێگەی لیژنەی تەکنیکی و شارەزاوە.

گرنگە ڕاگەیاندنی و.کارەبا بەو میکانزمانەو هی تریش، لەڕێگەی ڕێنماییەوە ،بتوانێت قەناعەت بۆڕای گشتی و هاووڵاتیان دروست بکات،کە کوژاندنەوەی هەرگڵۆپێک،هەر ئامێرێکی کارەبایی کەدەکرێ چەن کاتژمێرێک بکوژرێتەوە، چەن کاتژمێرێک کارەبای نیشتمانی زیاتروەربگرێت و سودی زیاتر بەخۆی و هاووڵاتیان بگەیەنێت.