میدیاكانی سوریا بڵاویانكردەوە، ئەمڕۆ چەكدارەكانی داعش دوو هێرشیان لە حەمس و ڕیفی بوكەمال بۆ سەر سەربازانی سوپای سوریا ئەنجامدا، بەهۆیەوە (20) سەربازی سوریا كوژران.
ڕوانگەی سوری بڵاویكردەوە، ئەمڕۆ چەكدارەكانی داعش دوو هێرشیان كردۆتە سەر دوو كاروانی سوپای سوریا لە حەمس و بەهۆیەوە (16) سەرباز كوژران و هەروەها لە ڕیفی بوكەمالیش چوار سەربازی دیكەیان كوشتووە.
ئەوەش خراوەتەڕوو، لە سەرەتای ئەم ساڵەوە چەكدارەكانی داعش (321) سەربازی سوریایان كوشتووە.