یان چاکسازی یان نەمان
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

یان چاکسازی یان نەمان

غازى سەعید

چاکسازی ژلایێ حکومەت ودەستهەلاتێڤە پێتڤیەکا زێدە گرنگە ، هەبوون ونەبوونە، پرۆژە وبریار وکریارە نەک درۆشمەکێ بەریقدارە، ونە ژبۆ موزایەدەیا سیاسی یە، چونکی چاکسازیا ڕیشەیی وڕاست ودورست وبنەجهـ ، تاکە ڕێکە ژبۆ بدەستڤەئینانا ڤان ئارمانجا:ـ

۱ـ پاراستنا سەقامگێریا سیاسی یا نافخویی، ولێک نێزیکرنا لایەنێت سیاسی ژ دەستهەلات وئوپوزسیونێ وڕێککەفتن لسەر پروژەیەکێ نیشتیمانی، و بۆ بلندکرنا هەستێ نیشتیمانی لدەف هاوەلاتیان وپاراستنا گیانێ ئێکگرتن وئێکرێزی وتەبایی دناڤ هەمی تەخ وچوینێن مللەتیدا.. 

۲ـ بدوماهی ئینانا گڤاشتن وئەزیەتدانا خەلکێ هەرێمی وبتایبەت تەخا فەرمانبەر وموچەخۆرا وڤەگەراندنا کەرامەت وپیروزییا تاکەکەسی، وخۆ دۆرخستن ژ دەستێوەردانێ دماف وئازادیێت هاوەلاتیدا.

۳ـ گەرمکرنا بزاڤا ئابوری وبازرگانی وکرین وفرتنێ وبجهئینا پروژەیان ، وبدوماهی ئینانا قەیرانێت سیهـ سالی نەهاتینە چارەسەرکرن بتایبەت یێت گرێدایی ب پێتڤییێت سەرەکیڤە.

٤ـ پاراستنا سەربەخویا ئابوری، وبدوماهی ئینانا سڤکرنا پێگەهێ هەرێمی وخەلکێ کوردستانی بەرامبەر بەغدا وکازمی، ودیمەنێ هنارتن وڤەگەرانا شاندێت دەست ڤالا. 

٥ـ بهێز ئێخستنا پێگەهێ حوکمرانی ودەولەتداری ودامەزراوەیی ( مؤسسات) ل کوردستانێ وڤەگەراندنا باوەریی ومتمانەیا وەلاتێت جیهانی وکۆمپانیێت بیانی ژبۆ پاراستنا قەوارە وخەلکێ کوردستانێ و بەشداری دگەشەپێدان وئاڤاکرنا ژێرخانەیا ئابوریدا .

هه‌واڵی گرنگ