سەرۆكی ئەنجومەنی وەزیرانی عێراق رایدەگەینێت ، بەمزووانە وادەی بەرێوەچوونی هەڵبژاردنی پێشوەختە دیاری دەكەم.
مستەفا كازمی لەمیانی بەیاننامەیەكی كە لەرێگای نوسینگەكەیەوە بڵاوی كردۆتەوە دەڵێت : " عێراق دەبێت لەسەر بنەما و ئیرادەی گەل بنیادبنرێت ، نەك بە ئیرادە و ویستی دز و گەندەڵ و كەسانی دەرەوەی یاسا".
وتیشی : " هیچ شتێك گوزارشت لە ئیرادەی گەل ناكات ، جگە لە بەرێوەچوونی هەڵبژاردنێكی ئازاد و پاك و بێگەرد نەبێت".
لەبەیاننامەكە ، كازمی ئەوەی نوسیوە : " بەمزووانە وادەی بەرێوەچوونی هەڵبژاردنی پێشوەختە دیاری دەكەم و بەروارەكەیشی رادەگەینم".