شانەی رووبەرووبوونەوەی قەیرانەكان لەپارێزگای موسڵ بەشێوەیەكی فەرمی قەدەغەی هاوچۆی بۆ ماوەی سێ رۆژ لە هەفتەیەكدا راگەیاند.

سیروان رۆژبیانی ، جێگری یەكەمی پارێزگاری موسڵ بەیاننامەیەكی راگەیاندووە تیایدا قەدەغەی گشتی هاتوچۆ بۆ ماوەی سێ رۆژ لە هەفتەیەكدا راگەیاند.

لەبەیانەكە هاتووە ، لە رۆژانی پێنجشەممە و هەینی و شەممە لەهەموو هەفتەیەكدا قەدەغەی گشتی هاتوچۆ دەبێت.

جێی باسە وەزارەتی تەندروستی عێراق دوێنێ سێشەممە (3396) كەس تووشی ڤایرۆسی كۆرۆنابوون ، (2312) كەس چاكبوونەوە و (67) كەسیش گیانیان لەدەستدا.