هۆكاری دواكەوتنی كەل و پەلی خۆراكی مانگانە ئاشكرا دەكرێت
كوردی عربي English

هه‌واڵ وه‌رزش وتــار دیدار و چاوپێكه‌وتن فۆتۆگه‌له‌ری ڤیدیۆگه‌له‌ری ده‌رباره‌ی ئێمه‌
x

هۆكاری دواكەوتنی كەل و پەلی خۆراكی مانگانە ئاشكرا دەكرێت

 

وەزیری بازرگانی عێراقی هۆكارەكانی دواكەوتنی پێدانی ماددە سەرەكییەكانی خۆراك بە هاوڵاتیان لەرێگای بریكارەكانەوە ئاشكرا دەكات و دەڵێت هۆكارەكان زۆرن.

عەلا ئەلجبوری ، وەزیری بازرگانی عێراقی رایگەیاند ، كۆمەڵێك هۆكار هەن بۆ دابەشنەكردنی كەل و پەلی خۆراكی مانگانە ، لەسەرووی هەموویانەوە قەیرانی داراییە كە عێراق و سەرجەم وڵاتانی بەهۆی ڤایرۆسی كۆرۆنا و دابەزینی نرخی نەوتەوە گرتۆتەوە".

وتیشی : " بەرنامەیەك هەیە بۆ ئەوەی لەبری دابەشكردنی ماددە سەرەكییەكان پارە بدرێتە هاوڵاتیان كە ئەمە هێشتا بریاری كۆتایی لەسەر نەدراوە".

دەشڵێت : " پرۆژەیەكمان هەیە بۆ ئەوەی سیستەمی پسوولەی كاغەزی بگۆرین بۆ پسوولەی ئەلیكترۆنی ، ئەوكاتە زۆر كێشە كۆتایی دێت ، دەتوانرێت باشتر كەل و پەلی خۆراك و هاوكارییەكان بەدەستی هاوڵاتیان بگات".

لەكۆتایی لێدوانەكەیدا وەزیری بازرگانی رایگەیاند : " هەوڵدەدەین بەخێراترین شێوە كێشەكان چارەسەر بكەین و رەزامەندی سەرەتایی سەرۆكی ئەنجومەنی وەزیرانمان وەرگرتووە لەبارەی دابەشكردنی كەل و پەلی خۆراك و خێراكردنی پرۆژەی پسوولەی ئەلیكترۆنی".

هه‌واڵی گرنگ