كۆمسیۆنی مافەكانی مرۆڤی عێراق، دژی گەڕاندنەوەی بە زۆری پەنابەرانە لەلایەن وڵاتانی ئەوروپاوە.

وەك كاردانەوەیەك لە بەرامبەر لێدوانی وەزیری دەرەوەی بەلجیكا، فازڵ غەراوی ئەندامی كۆمسیۆنی مافەكانی مرۆڤ، لە ڕاگەیاندراوێكدا ڕوونیكردەوە: گەڕاندنەوەی بە زۆری پەنابەرانی عێراق لە بەلجیكا و وڵاتانی تری ئەوروپا تاوانە لە دژی مرۆڤایەتی و پێچەوانەی یاسا نێودەوڵەتییەكانە.

ئەوەشی خستۆتەڕوو: پێویستە ئەو هاوڵاتیانەی داوای مافی پەنابەری لە وڵاتانی ئەوروپا دەكەن، ڕەوچاوی ڕەوشی مرۆڤایەتیان بكرێت و بە پێی ڕێككەوتننامەی نەتەوە یەكگرتووەكانیش، سەرجەم پێداویستییەكانیان بۆ دابین بكرێت.