لەدوای ئەوەی دەنگۆی بڵاوبونەوەی ڤایرۆسی كۆرۆنا لە چاكسازیی گەورانی هەولێر بڵاوبویەوە، بەڕێوەبەرایەتی چاكسازیی گەورانی هەولێر ئەو دەنگۆیانە ڕەتدەكاتەوەو ڕایدەگەیەنێت: هیچ بەندكراوێك تووشی كۆرۆنا نەبووە.
هێمن نانەكەلی بەڕێوەبەری چاكسازیی گەورانی هەولێر بە ڕۆژنامەنوسانی ڕاگەیاند: ئەو دەنگۆیانە ڕاست نین كە باس لە بڵاوبونەوەی ڤایرۆسی كۆرۆنا لە ناو چاكسازیی گەورانی هەولێر دەكەن و پشكنین و بە دواداچون بۆ ئەو پرسە بەردەوامە.
هەروەها ووتیشی: لە دوایین ڕاپۆرتی پزیشكیدا هیچ هەڵگرێكی ڤایرۆسی كۆرۆنا لە چاكسازیی گەوراندا نییە و ڕۆژانەو بەپێی پێویست پشكنین بۆ زیندانیانی گرتوخانەكە دەكرێت.