كورديو
ساخلەمیا پارێزگەها دهۆکێ بۆ گاڤ نیوز راگەهاند: ل سنۆرێ سێ دەڤەرداریێن پارێزگەها دهۆکێ ڤاکسینا فالنجا زارۆیان دێ بۆ 77 هزار زارۆیان هێتە دانان.
ئەڤرۆ وەزارەتا ساخلەمیا هەرێما کوردستانێ راگەهاند: هەوا ڤاکسینێ ب ئەگەرا نەخۆشیا کۆرۆنایێ ل بهارێ نەهاتەکرن و نوكه هزار و 700 فەرمانبەر ب سەرپەرشتیا 106 نۆشداران دێ هەوێ دەستپێکەن.
د. رەعەد عەبدولرەحمان، بەرپرسێ پشکا رەوشەنبیرى ل ساخلەمیا پارێزگەها دهۆکێ گۆت: ل سنۆرێ دەڤەرداریێن زاخۆ 44 هزار، ئامێدیێ ٩ هزار و ئاکرێ ژى 23 هزار زارۆ دێ ڤاکسینێ دژى فالنجا زارۆیان وهرگرن.
خویاژى كر، هەر ژ ئەڤرۆ 203 تیم کو ژ 406 پەرستار و نۆشداران پێک دهێن دێ ل ناڤا کۆلانان بۆ دەما پێنج رۆژان گەڕن و ڤاکسینێ بۆ زارۆیێن ئێک رۆژى تا 5 سالى دانن.