كورديو
پەرلەمانتارەکا لیژنا ساخلەمیێ رادگەھینیت، ژ سەرجەمێ ١١ ملیار دیناران بۆ روویبرووی بوونا کۆڕۆنایێ ل پارێزگەھا دھوکێ، بتنێ ٢٥ ملیون دینار بۆ قەزا ئاکرێ ھاتینە تەرخانکرن.
شنۆ ئەشقی، ئەنداما فراکسیونا ئێکەتیێ ل لیژنا ساخلەمیێ راگەھاند: قەزا ئاکرێ و بەردەرەش ٢٥ % یا پارێزگەھا دھۆکێ پێکدئینن، یا پێتڤی با دوو ملیار و حەفت سەد و پێنجی ملیون دینار بۆ ھاتبارنە تەرخانکرن.
شنۆ ئەشقی گوت ژی،” ل ساڵا ٢٠٢٠ راپورتەک لسەر کێموکاسیێن کەرتێ ساخلەمیێ ل ئاکرێ ئارستەیی حکومەتا ھەرێمێ کریە، لێ دنھادا پشتی دەربازبوونا ساڵەکێ ئاریشەیێن وێ زێدەتربووینە و چ ژوان ئاریشەیان ژی نەھاتینە چارەسەرکرن، ھەروەسا رێڤەبەرێن ساخلەمیا ئاکرێ و رێڤەبەرێ نەخوشخانەیا گولان داخازکرینە ڤێ نەدادپەروەریا ل ھەمبەری قەزایا وان دھێتەکرن بگەھیننە لایەنێن پەیوەندیدار و وان ئاریشەیان چارەسەربکەن “.
ئەڤە ژی ددەمەکێ دایە، ل دویڤ ئامارێن ساخلەمیێ ھەتا نھا ل ئاکرێ سێ ھزار و ٨٢٧ کەس تۆشی ڤایرۆسێ کۆڕۆنایێ بووینە و ژ وێ ھژمارەیێ ژی سێ ھزار و ٥٥٧ کەس ساخبووینە و ٦٢ تۆشبوویان ژی گیانێ خۆ ژ دەست دایینە.