کوردیو

پەیڤدارێ پولیسێن دهۆکێ ڕاگەهاند، تومەبارەک ژ ئالیێن پۆلیسان هاتیە دەستەسەرکرن کو فێلبازی ل شوفێرێن تەکسی و بارهەلگران دکر و پارە ژ وانا وەردگرتن و پاشان موبایلا خۆ قفل دکر.

هێمن سلێمان پەیڤدارێ پولیسێن پارێزگەها دهۆکێ ڕاگەهاند، بەریا چەند رۆژان پۆلیسێن ناحیا سەرسینکی تومەتبارەک دەستەسەرکرنە، کو ب رێکەکەکا شارەزایانە فێلبازی ل شوفێرێن تەکسی و بارهەلگران کریە و پارە ژ وانا وەرگرتنە.

زەلال ژیکر، کو ئەوی تومەتباری ب رێیا موبایلێ شوفێر بۆ ئالیێ دەڤەرا شێلادزێ دشاندن و دگوتە وان من بارەکێ ل وێرێ هەیە هەرن بۆ من بینن، لێ بەریا بگەهنە جهێ مەرەمێ پەیوەندی بواندکر و دگوتە وان کوژمەکێ پارەی داننە جهەکێ دەستنیشانکری وەکو مارکێت یان خارنگەهـ و هەر جهەکێ دیێ ب هەمان ڕەنگ.

هەڤدەم، وان شوفێران لسەر باوەریێ ئەو کوژمێ پارا ل وی جهێ د دانا و پشترە وی تومەتباری یانژی کەسەکێ دی دچوو و ئەو پارە دئینان، پاشی ژمارا خۆ قفل دکر و خۆ بەرزە دکر.

پەیڤدارێ پۆلیسان سەدەمێ بەلاڤکرنا ڤی نووچەی بۆ وێیەکێ زڤراند، کو نها حالەتەکێ دی یێ وەکی ڤی پەیدابوویە، خواستنە شوفێران هایدار بکەن کو توشی ڤان جورە فێلبازیان نەبن.