ئەمڕۆ چوار شەممە لەپارێزگای كەركوك ئۆپراسیۆنێك بۆ ڕاوەدونانی داعش دەستیپێكرد و ئامانجیش لە ئۆپراسیۆنەكە پاكردنەوەی ئەو ناوچانە لەو رێكخراوە.
سەیف ئەنوەر پەیامنێری كوردیو لە كەركوكەوە پێی ڕاگەیاندین: سەرلەبەیانی ئەمڕۆ چوار شەممە لەلایەن ھێزەكانی سوپای عێراق و پۆلیسی فیدراڵی و ھێزەكانی كۆماندۆ و حەشدی شەعبی و حەشدی ھۆزەكان، ئۆپراسیۆنێكی سەربازی لە باشوری كەركوك دەستپێكردوە بۆ راوەدونانی چەكدارانی داعش.
هەروەها ووتیشی: ئۆپراسیۆنەكە بە پاڵپشتی هێزی ئاسمانی لەلایەن فڕۆكە جەنگییەكانی عێراقەوە بەڕێوەدەچێت و ئامانجیش لە ئۆپراسیۆنەكە پاكردنەوەی ئەو ناوچانە لەو رێكخراوە.