ئه‌مڕۆ  چوار شه‌ممه‌ 14 ی نیسانی 2021 له‌ خشته‌یه‌كدا كه‌ بەرێوەبەرایەتی گشتی کەشناسی و بومەلەرزەزانی هەرێم بڵاوی كردۆته‌وه‌ گه‌رمترین و ساردترین ناوچه‌كان به‌مشێوه‌ی خواره‌وه‌ بوه‌:-

به‌رزترین پله‌ی گه‌رمی له هه‌ریه‌كه‌ له‌ ناوچه‌كانی ‌(خانه‌قین،كه‌لار) تۆماركراوه‌ كه 27 پله‌ی سه‌دی‌ بون دوای ئه‌ویش(خه‌بات،كه‌ركووك) دێن كه 26 پله‌ی سه‌دی تیایاندا تۆماركراوه‌‌.

نزمترین پله‌ی گه‌رمای تۆماركراویش له‌ (كانی ماسی)بوه‌‌‌ كه 2 پله‌ی سه‌دی تیایدا تۆماركراوه دوای ئه‌ویش (مانگیش،حاجی ئۆمه‌ران)دێن كه 4 پله‌ی سه‌دی تیایدا تۆماركراوه‌.