پارێزگاری خۆرهەڵاتی كوردستان رایگەیاند، بەڵێندەرەكان دەبێ هەموو هەوڵی خۆیان بخەنە گەڕ كە پڕۆژەی فڕۆكەخانەی سەقز تاكو مانگی داهاتوو تەواو ببێت و بكرێتەوە.
(بەهمەن موردانیا) لە پەراوێزی سەردانی پڕۆژەی فڕۆكەخانەی سەقز ڕایگەیاند: ئەو پڕۆژە دەبێ تاكو مانگی داهاتوو بكرێتەوەو چی دیكە بیانوویەك بۆ دواخستنی ئەو پرۆژەیە قەبووڵ ناكرێت.
ناوبراو وتیشی، بەرپرسان و بەڵێندەران، كۆمپانیای جێبەجێكردن و گەشەی فڕۆكەخانەكان و خۆمانیش بەڵێنماندا كە لە ماوەی دوو مانگدا فڕۆكەخانەی سەقز بكرێتەوەو ئەو كارەش بەدڵنیاییەوە لە میدیاكان بڵاودەبێتەوە.
پڕۆژەی فڕۆكەخانەی سەقز لە ساڵی (2015) ەوە دەستیپێكردووەو بەپێی ڕاپۆرتی بەرپرسان مانگی داهاتوو دەكرێتەوە.