کۆمسیۆنی باڵای سەربەخۆی هەڵبژاردنەکانی عێراق 135 کاندیدی هەڵبژاردنی داهاتووی پەرلەمانی عێراق دوور دەخاتەوە.
ئەمڕۆ چوارشەممە9 ی حوزهیرانی 2021 ، کۆمسیۆن بڕیاری دوورخستنەوەی 135 کاندیدی دیکەی هەڵبژاردنی پێشوەختەی پەرلەمانی عێراقی دا.
یەکێک لە کاندیدە دوورخراوەکانی ئەمڕۆ، کوڕی خالید ئەلعوبەیدی، وەزیری پێشووتری بەرگریی عێراقە.
پێشتریش لە رۆژی 30-5-2021، کۆمسیۆن بڕیاری دوورخستنەوەی 20 کاندیدی هەڵبژاردنی پێشوەختەی پەرلەمانی عێراقی دابوو.
بڕیارە رۆژی 10-10-2021، هەڵبژاردنی پێشوەختەی پەرلەمانی عێراق، لە شارەکانی عێراق و هەرێمی کوردستان، بەڕێوە بچێت.