بەڕێوەبەرایەتیی هاتوچۆی گەرمیان رایگەیاند، لە رووداوێکی هاتووچۆ لە جۆری وەرگەڕان، تراکتۆرێک وەردەگەڕێت و لە ئەنجامدا شۆفێرەکەی گیان لەدەستدەدات.

لەمبارەیەوە ئەمڕۆ دووشەممە دووی ئابی 2021 بەڕێوەبەرایەتیی هاتوچۆی گەرمیان رایگەیاند: بەیانی ئەمڕۆ لە گوندی گەرمکی سەربەناحیەی باوەنور تراکتۆریک وەرگەڕاو لە ئەنجامی رووداوەکە شۆفێرەکەی گیان لەدەستدەدات.

ئاماژە بەوەشكراوە :شۆفیری تراکتۆرەکە سەرەتا برینداربووە، بەڵام بەهۆی سەختی برینەکەیەوە پاش گەیاندنی بە نەخۆشخانەی شەهید مەلا ئەحمد کەلاری لە ناحیەی باوەنور گیانی لەدەسدا.